قال : ازاى اتخلص من الناس السلبيين دول و ممكن يكونوا أقرب الناس لى ....شريك حياة ...أب أو أم .....أخوات ....زملاء عمل
قلت : فيه ناس مش هتقدر تتخلص منهم ...لكن تقدر تتخلص من سلبيتهم
فيه ناس ممكن يتصلحوا لو انت غيرت اسلوب تعاملك معاهم ...ممكن يكونوا بيعاملوك انت بالذات وحش لان اسلوبك معاهم وحش
و فيه ناس هم اخلاقهم وحشة اصلا مع الكل ...و دول ينفع معاهم الصبر الجميل ...الطناش و التغافل ..و طنش تعش تنتعش ...بحيث تتعامل معاهم كمرضى نفسيين يصعبوا عليك
و فيه ناس حاولت تتغير ما نفعش ...حاولت تطنش ما نفعش
يبقى تاخد موقف حازم صارم جازم و لاتقبل ابدا أذاهم بالحسنى
ما نفعش يبقى ممكن تحسسهم بنفس الاذى الى هم بيسببوه ...بالتعامل بالمثل ....بس جرعة بسيطة كدة بهدف انهم يحسوا بالألم شوية ..قلت جرعة بسيطة بس ..و بكرر جرعة بسيطة .....ماتخلهمش يأثروا فى شخصيتك و تبقى مؤذى زيهم
مانفعش يبقى دايما حاول تشغل تفكيرك ووقتك بعيد عنهم ...دور على سعادتك ...و عالج الاذى الى سببوه ليك بسرعة بحاجة تسعدك و تشغلك عن التفكير فى أذيتهم
مانفعش برده ...و بدأت تحس ان أذاهم بدأ يأثر عليك و يخليك قليل الادب او عندك رغبة فى الانتقام و تعاملهم بالمثل او عندك رغبة فى الانتحار او انك خلاص معدش فيك حتة سليمة
خد القرار الشجاع ...و خرجهم من حياتك نهائى
لو شريك حياة فيه الطلاق
لو أب أو أم ....أبعد حبة و خلى فيه تواصل من بعيد لبعيد من غير احتكاك مباشر
لو زميل عمل دور على شغل تانى
المهم لاتسمح لهذ الانسان انه يؤثر عليك بأى شكل من الأشكال
ليست هناك تعليقات:
إرسال تعليق