لما يوصل مرحلة اعدادى هقولك على حاجة مهمة جدا جدا
حاولى تخليه يشتغل فى اجازة الصيف اى عمل
للاسف الكثير من الاباء بيتكسف ابنه يشتغل صبى فى ورشة و الا فى محل بقالة
بيحس ان دا عيب و لسان حاله يقول : هو انا يعنى مش هقدر اصرف عليه ؟ !!!!!!
و الامهات للاسف ترفض هذا الامر خوفا من نظرة الناس الى هتقول علينا ايه !!!!
و علشان ياحبيب مامته ليه يتبهدل و يتعب و يعرق و هو لسن صغنن يا عين أمه خليه يعيش حياته !!!!!!
الطفل لما بيشتغل شخصيته تنضج كتير
بيحس بالمسئولية تجاه العمل الموكل اليه
و بيحس بلذة الكسب بعد التعب
و بيحس بقيمة الفلوس
دا غير ان الاختلاط مع الناس بيديه قدرات اجتماعية كتيرة
و لما يكبر و ياخد الشهادة مش هيتكسف يشتغل اى شغلانة
زى شباب اليومين دول الى بيفضل يعد عاطل و بابى و مامى يصرفوا عليه على انه يتبهدل فى شغلانة مش أد مقام سيادته
تلاقيه واخد شهادة مجرد ورقة و عايز يشتغل بيها مدير !!!!!
و الا يبقى عايز يخرج برة مصر فى اوروبا و الا الخليج علشان ينجح مع انه الفاشل جوة بلده فاشل برده خارج بلده
الطفل لما بيتعلم قيمة العمل من صغره لا يحتقر اى عمل و بيعرف قيمة النقود
ليست هناك تعليقات:
إرسال تعليق