الرجل لايغضب من رأى زوجته المختلف
الرجل يغضب من أسلوب عرضها لهذا الرأى
لما يكون عندك رأى مختلف عن جوزك فى قضية معينة بتعملى ايه ؟
اول ماتسمعى رأيه تعدى تنتقدى رأيه و تبينى انه غلط و ان الغلط راكبه من ساسه لراسه
و ممكن تصدرى احكام ..انت مش بتعرف ..انت مش بتفهم ..انت دايما ....انت عمرك ...انت ...انت .....
و تبدئى تركزى على انتقاد شخصيته مش انتقاد رايه .....
و دى طبعا حاجة تضايق و تشل و ترفع الضغط
لانه بيعتبرها اهانة ليه هو شخصيا
و بعدين بتروحى قايلة رأيك العظيم ...
و تعدى توصفى فى جماله و روعته
و ان فلانة عملت بنصيحتك و السعادة و الهنا الى شافته ..
و ان علان عمل كذا ..و ياسلام على النعيم الى هو شايفه ...
المهم انك بتعدى تدافعى عن رأيك بمنتهى الاستماتة
فهو يتفرس اكتر لانه بيفسرها انها محاولة منك لفرض رأيك عليه
بيتنرفز ..و بعدين يعند
يا حبيبتى ...يا نور عينى
لما تيجى تعرضى رأيك ...توقفى تماما عند انتقاد رأيه او ابداء اى امتعاض من رأيه
لما تسمعى خااااالص ..... اعرضى رأيك انت
توقفى تماما عن استعراض جمال و روعة و ذكاء رأيك
قولى بشكل واضح و صريح و مختصر و محدد ...انا رأيى كذا ..بس خلاص
كلمة و رد غطاها
و الامر فى النهاية ليك ..الكلمة دى مهمة جدا
دا بيخليه ممكن يفكر فى رأيك لو صحيح
و بيحسسه بالسيطرة ان فى ايده القرار
و بيخليه عنده قابلية انه يتبنى رايك بدون مايحس انه تنازل او انك الاذكى و الاحكم منه
مشكلة الستات الكبرى فى اللت و العجن الكتير ...و اللت و العجن دا بيغلط
تعلمى ازاى تكلميه
ما تكلميهوش زى ما بتكلمى واحدة صاحبتك
ركزى على الهدف و خليكى محددة و بطلى انتقاد ..و حب سيطرة
ليست هناك تعليقات:
إرسال تعليق