يا عزيزى
ماينفعش عايز يكون أداءها فى حجرة النوم عالى و متميز من غير اعداد
المرأة علميا بتاخد على الأقل ربع ساعة علشان توصل لذروة الاثارة
من الكلمات و اللمسات و النظرات و التقبيل و الاحتضان و المداعبة و غيره
ماينفعش تكون منكد عليها طول اليوم ...و بعدين عايزها تبقى فلانة و علانة
ماينفعش تكون قاضى الليلة بتعمل شات مع البنات و تتفرج على افلام و الا صور وحارق دمها و قلبها بتصرفاتك دى ..و بعدين عايزها فى قمة الروعة زى الى بتشوفه علشان تقضى شهوتك
ماينفعش تكون مهملها طول اليوم و لا حتى كلمة و لا هزار و لا مداعبة و بعدين عايزها جسد فقط
زى ما ينفعش فى البرد دا تنزل تدور العربية و تروح طالع
لازم العربية تسخن يا اما هتنتش منك
و الارهاب الفكرى الى معمول للستات خوفا من ان الملايكة تلعنها ..
ربنا شاهد و عارف هو عامل فيكى ايه طول اليوم
ماتخافيش ..لايكلف الله نفسا الا وسعها
واوعى تيجى على نفسك خوفا من اللعن
لان دا احساس قاتل بالمهانة و انك مجرد مرحاض لشهوته و اهدار لانسانيتك احنا مش حيوانات
دا حتى الحيوانات بتعمل حركات مداعبة قبل الجماع
و ربنا قال : (نِسَاؤُكُمْ حَرْثٌ لَّكُمْ فَأْتُوا حَرْثَكُمْ أَنَّىٰ شِئْتُمْ ۖ وَقَدِّمُوا لِأَنفُسِكُمْ ۚ وَاتَّقُوا اللَّهَ وَاعْلَمُوا أَنَّكُم مُّلَاقُوهُ ۗ وَبَشِّرِ الْمُؤْمِنِينَ)
قدموا لانفسكم ...و اعملوا مقدمات للجماع ..و خلوها جاهزة نفسيا و عاطفيا
و بعدها علطول قال اتقوا ربنا و اعرفوا انكم هتقابلوه و هيحاسبكم على الى انتوا بتعملوه
لو عايز ليلة بالف ليلة و ليله ...
نضف قلبها من اى زعل و استسمحها
ألهب مشاعرها و سخنها بالمداعبات الرقيقة واللمسات الظريفة طوال اليوم
مش قبلها بس
بلاش تحس انك بتعمل كدة علشان تنول غرضك بس ..
خليها تحس انك بتعمل كدة علشان بتحبها و عايز تسعدها
ليست هناك تعليقات:
إرسال تعليق