مش معنى انك الراجل يبقى لازم رأيك هو الى يمشى
ومش معنى ان الشرع فرض عليها طاعتك ..إن كل اراءك و قراراتك و تصرفاتك صح
و مش معنى انك المسئول يبقى انت المتحكم المسيطر
الرجل الذى يفرض رأيه بالقوة انسان ضعيف ..
فقد القدرة على اقناع شريكة حياته بالعقل و المنطق أو بالحب و المشاعر الطيبة ..
فقد القدرة على نيل احترامها و احساسها انه أهل لقيادة المركب فدايما حاسة انه هيخربها ..
فقد القدرة على التعايش مع شريكة حياته و التفاهم معاها فيلجأ الى فرض رأيه بالقوة
هى ممكن تسمع كلامك و تنفذ كل الى انت عاوزه ....قهرا و ضعفا و تجنبا للمشكلات
لكن أد ايه بيكون قلبها مليان غضب و حنق و غل ورفض ...و لما الموضوع بيتكرر بزيد المشاعر حتى تقتل الحب نهائى
هتفضل تسمع الكلام لكن و هى بتكرهك
و ممكن تعمل الى هى عايزاه من ورا ظهرك
و ممكن العند يخليها تحاول ايذائك برفضك عاطفيا و جنسيا
يعنى ما تعملش زى من الباحث عن السلام بفرضه بقوة السلاح ..لان هيتولد جواها مقاومة داخلية هتنغص عليك عيشتك و مش هتخليك ابدا تنعم بالسلام المنشود
ليست هناك تعليقات:
إرسال تعليق