انا ممكن امنع بمنتهى الحب و الحنان و الرفق
لو ابنك شبط فى لعبة عايزها زى بتاعة ابن الجيران و بيعيط
هاخده فى حضنى و اطبطب عليه و أفهمه بمنتهى الحب و الحنان
حبيبى انا عارفة انك عايز اللعبة دى و نفسك فيها
بس ماينفعش كل ما نشوف حاجة مع حد تقول عايزين زيها ..
لازم نشوف احنا عايزينها و الا لأ
انا مش هجيبها دلوقت لان عندك العاب كتير غيرها و شبهها
انا ممكن اجيبهالك لو جبت مجموع كذا كويس او حققت نجاز رياضى او حفظت كذا من القرآن أو رتبت أودتك لمدة شهر
ولو كبير شوية حوش من مصروفك و هاتها
بمنتهى الرحمة و الحب و الرفق
حاولى دايما تربطى بين تلبية الطلبات و الانجاز
علشان يتعلم ان الحياة مش هتجيب له طلباته على طبق فضة ..
لازم يتعب و يبذل مجهود علشان يحصل على ما يريد
ليست هناك تعليقات:
إرسال تعليق