قالت : لو سمحتي يا دكتوره أنا مشكلتي أن البنت الكبيره على طول بتبص على الصغيره هي معاها أيه وعاوزه زيه
لو أخدت حاجه ﻻزم تكون أكتر من الصغيره
يعني عايزه تبقى أحسن منها على طول وكمان كل حاجه ليها بس وأنا مش عايزاها تبقى أنانيه أتصرف معاها أزاي وشكراً
الغيرة بين الأطفال طبيعية جدا
بس احنا كمربين الى بنزودها او بنقللها
تصرفاتنا و كلامنا ممكن يزودها لدرجة انها توصل للكره بين الاتنين
- الاهتمام المفرط بالرضيع الجديد مع اهمال للطفل الكبير ودا فى بداية ولادة طفل جديد
- المقارنة المستمرة بين الطفلين ...فلانة اشطر منك عملت كذا ..فلانة
احسن منك ماعملتش كذا
- الاستمرار فى مدح احدهما ..لانه الاجمل ..او اشطر فى الدراسة ..او اهدأ و بيسمع الكلام اكتر
- الاستمرار فى ذم احدهما ...انه اقل تنظيما ..اقل هدوءا .اقل سماعا للتعليمات
- نشترى و نلبى طلبات الصغير اكتر من الكبير
المهم ممكن احنا بتصرفاتنا بنشعل نار الغيرة فى قلوب اولادنا ..بحيث يبدأوا فعلا يبصوا لبعض و لحاجات بعض
ساعات فارق السن الكبير ...بيخلى الطفل الاول عاش فترة طويلة كل الاهتمام بيه و كل حاجة بتيجى ليه ..و لما بييجى طفل تانى بيكون صعب عليه ان حد يشاركه فى ماما و بابا
بالنسبة لحالة بنتك
انت لم تذكرى سن البنات
لكن حاولى تركزى على نقطة انكم انتم الاتنين زى بعض
وانا بحبكم انتم الاتنين
و انتم الاتنين لازم تاخدوا أد بعض
ومفيش حد هدومه احسن من التانى ..دى حلوة ودى حلوة
واللعبتين حلوين
وحاولى تتجنبى اى مقارنة بينهم هم الاتنين
حاولى كمان تعدى معاها و تهتمى بيها و تتكلمى معاها و تلعبى معاها لوحدها و الصغيرة نايمة ..علشان تحس بحبك ليها بعيد عن التانية
يعنى اديها اهتمام خاص شوية انشاله نص ساعة فى اليوم بس
ليست هناك تعليقات:
إرسال تعليق