يأتينى مثل هذا السؤال كثيرا
فإن كنت من محبى القراءة أصلا ...فستحب قراءة كل ما تقع عليه عيناك
أما ان كنت ممن لايحبها ..فابدأ بالقراءة فى المجال الذى تحبه حتى تشجعك على القراءة
أنا شخصيا أفضل القراءة المبنية على أساس ايمانى
لابد من وضع ميزان تقيم عليه ماتقرأ ...حتى لاتشعر بالتيه و الضياع
هتلاقى كاتب يقولك الحب مثلا بالطريقة الفلانية و التانى يقلك ماتحبش كدة
واحد يقولك هتنجح بالطريقة الفلانية و التانى يقولك العكس
واحد يقولك سكة السعادة و التانى يقولك سكة تانية خالص
واحد يديك حل لمشكلتك و التانى يقولك حل مناقض ليه تماما
الكاتب بيعبر عن نفسه و افكاره و خبراته
لما تبدأ بالقرآن و السنة و تفسيرهم ...
بتحط لنفسك الميزان الايمانى الى هتقيم عليه ماتقرأ
متقرأش كتب اسلامية كتير من البداية ..ودا رأيى
ركز على الأصول ..ماقاله الله جل و علا ..و تفسير جديد
وانا افضل التفاسير الحديثة علشان تربطك بالواقع
و تحس ان القرآن دا كلام واقعى مش كلام نازل ملوش دعوة بالواقع
اقرأ أحاديث الرسول صلى الله عليه و سلم
واقرأ شروح ليها حديثة برده
هو دا اساس الدين
مش لازم تقرأ كتاب كامل
لو كل يوم تقرأ صفحة واحدة بس ...هتلاقى نفسك قرأت 365 صفحة فى آخر السنة
حط الميزان الى هتوزن عليه اى كلام بتقراه ...علشان تتجنب التوهان
ليست هناك تعليقات:
إرسال تعليق