عقاب الطفل مش معناه ان من حقك تهينه ..او من حقك تؤذيه بدنيا
العقاب الى بيقترن بالاهانة و الايذاء البدنى دا تعذيب و ليس عقاب
العقاب هدفه اساسا ان يرسخ عند الطفل ان عمل الخطأ له عواقب سيئة ..لابد ان يتحمل نتيجتها ..وانه يكره الغلط عاطفيا و يقتنع انه غلط عقليا
و العقوبات بتختلف على حسب عمر الطفل ..فطفل عمرة سنة غير طفل عمره ست سنوات غير واحد فى سن المراهقة
و تختلف على حسب نوع و حجم الخطأ ....فالعقوبة على الكذب او السرقة مثلا غير العقوبة على قلة الذوق فى الكلام
كذلك العقوبات تختلف حسب طبيعة شخصية الطفل فطفل حساس للخطأ غير الطفل العديم الاحساس ..و طفل مشاكس غير طفل هادىء الطبع
فيه آباء قليلى الحيلة مايعرفوش الا الصراخ و الشتيمة و يمكن الضرب
العقوبات المهينة تعود الطفل على الاهانة و تخلى معندوش كرامة ...و ممكن يتقبل الاهانة عادى من الاخرين
ممكن تفقده ثقته فى نفسه تماما مع دوامها
و ممكن تخليه يكرهك بدل ما يكره الغلط ...و يرغب فى الانتقام منك و تخليه عنيد و عصبى و مشاكس و يكررالغلط عندا فيك
تذكر دوما ان الهدف من العقوبة ليس الانتقام من طفلك علشان مش بيسمع كلامك
لكن الهدف انه يعرف عاقبة عمله و يكره العمل و يقتنع بانه خطأ
امسك اعصابك ...فهو طفل لازم هيغلط
و فكر فى العقوبة المناسبة قبل ما تعاقب و قبل ماتهجم عليه
ليست هناك تعليقات:
إرسال تعليق