اكتر حاجة ممكن تساعدك على تخطى الألم
انك تبدأ تحقق هدف و تسعى اليه
او تنجز انجاز مؤجل من زمان
الموضوع دا بيشغل عقلك أغلب الوقت بدلا من التفكير فى الألم و الاحداث الى سببته
بيخلى نفسك فى حالة تحفيز و شحن متواصل بكلمات التشجيع و التحفيز علشان تستبدل مشاعر الالم بمشاعر التحدى
بيخلى روحك معلقة بالخالق و انت تناجيه يارب ساعدنى على تحقيق هدفى و علاج آلامى يارب
بيخلى جسدك يتحرك للهدف و الانجاز بدل من الكسل و الركون و التثاقل الذى يسببه الالم و الاستسلام له
مش لازم تكون اهداف كبيرة و انجازات عظيمة
عارف لو رتبت دولاب كان مفركش و نفسك ترتبه من زمان
لو وديت العربية المغسلة و شفتها هى نظيقة و بتلمع
لو عملت التقرير الى قاعد تأجل فيه بقالك اسابيع
لو زرت واحد من اهلك كان نفسك تزوره من زمان و زيارته تقيلة على قلبك
لو رفعت السماعة تسأل على صديق قديم بقالك كتير ما سمعتش عنه حاجة
اعرف واحدة اتطلقت و قررت تكتب كتاب عن تجربتها و نجح الكتاب نجاح مبهر
واعرف واحد اتطلق قرر يسافر للسياحة فى بلد كان امله يروحها من زمان
اعرف بنت اكتشفت ان عندها مرض ضمور فى العضلات و هى فى ثانوى و هى الان مبرمجة كومبيوتر ممتازة
عندما تتعرض للالم
ابحث عن انجاز او هدف
اى انجاز مهما كان بسيط
هيساعدك كتييير على تخطى الالم
انظر دوما الى المعاقين المتميزين و الناجحين الذين تحدوا الاعاقة
و قل فى نفسك
الاعاقة الحقيقية مش من المجتمع و الناس و الدولة
الاعاقة الحقيقية من داخل عقلك و قلبك و روحك
ليست هناك تعليقات:
إرسال تعليق