كيف اتحمل بعد من أحب؟

قالت : لما حد تكونى بتحبيه و قرر فجأة انه يسيبك و يبعد عنك ازاى ممكن تتحملى الامر دا ؟

الامر اكيد صعب جدا

بس لو انا الى غلطانه هحاول اعتذر و استرده تانى و لا أكابر
و اعتذر مرة و اتنين و تلاتة و استرضيه لو انا حريصة فعلا على العلاقة

لكن لو قرر فجأة و بدون غلط منى يبقى دا اختياره

قد أتألم بالفعل و خاصة ان كانت بدون اسباب مقنعة

و لكن هذا فى النهاية اختياره

و لن تسمح لى كرامتى انى افرض عليه علاقة هو يرفضها

و لن اتهم نفسى انى المخطئة فمش علشان انا كويسة يبقى لازم كل الناس تحبنى
طبيعى جدا ان اجد من يكرهنى او لايحبنى بدون اسباب واضحة
هذه مشكلته هو و ليست مشكلتنى طالما انا لم ارتكب خطأ ما
و سأخرجه من حياتى و من قلبى على المدى البعيد

لاتندمى عزيزتى على حبك لاحدهم فالقلوب بيد الله يقلبها كيف يشاء

ولكن اندمى على ارتكابك لاخطاء شرعية قد تكونى وقعتى فيها فى علاقتك بمن احببت
فقد يكون انسحابه عقوبة لك على حرام وقعت فيه
و قد يكون هزة من ربنا تفيقك من غفلة او سكرة اصبت بيه
واحمدى الله تعالى على فضله فربما كان شرا نجاك الله منه

رددى من كل قلبك

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}