الطرحة كانت موضة أصلا مكانش نابع من قناعة دينية عند البنات
يعنى كان جزء من التقاليد الاجتماعية السائدة
زى ما أهل الخليج بيلبسوا كدة العباية السوداء ..
هل معنى كدة ان كل نساء الخليج محجبات ؟
كتير جدا من البنات ارتدوا الطرحة لاسباب نفسية أو اجتماعية
و كانت الطرحة من فوق مش ماشية نهائى مع لبسهم من تحت
و كتييييير جدا كانوا بيخلعوا الطرحة عادى فى بيوتهم و افراحهم و المناسبات السعيدة
و موضة خلع الطرحة انا اعتقد انها نوع من تمرد البنات على التقاليد و الاوضاع الاجتماعية غير المرضية ليهم يعنى مالهاش علاقة بمستوى التدين
نوع من التمرد على رغبة الرجل فى حجب (الحريم و الجماعة و الحكومة و البيت ) ...الى حتى بيتكسف من ذكر اسمهم كما لو ان مجرد اسمها عورة
ومع ذلك بيحب يتكلم عادى مع فلانة و علانة و ترتانة !!!!!!!!
تمرد على رغبته فى حجب عقلها و مشاعرها ..فليس من حقها ان تفكر او ان تشعر خلاف ما يفكر فيه و يشعر به و يستنكر ذلك
ومع ذلك يعشق اكتشاف الجديد من النساء و الكشف عن مشاعرهم و افكارهم و دواخلهم !!!!!!
ينظر اليها على انها مجرد جسد لازم يتدارى مراعاة لغرائزه الهائجة
وفى نفس الوقت لاتسلم من نظراته الحيوانية و كلماته و تحرشاته السافلة !!!!!!
انه ينظر للبنت الى قلعت الطرحة نظرة استنكار
فى حين انه يسترق النظر ليل نهار الى العاريات على الميديا و القنوات و شبكات التواصل !!!!!!!!!!
يختار المحجبة والمنتقبة كمان لتكون شريكة حياته
و بعدين يعد يبص للستات فى الشوارع و ووسائل الاعلام و يقولها شوفى الستات !!!!!!!
و البنات كمان كانت تعانى هذا الانفصام
هى المحجبة المحترمة فى الظاهر ....و الله اعلى و اعلم بتعمل ايه فى الخفاء و من ورا اهلها و زوجها
تتفنن فى جذب الرجال لها و خيانة وممكن تزنى كمان
و زواج عرفى و عمليات ترقيع و....و....و.....
وكانت بتحط الطرحة و هى مش بتصلى و لا بتصوم أصلا
مجتمعاتنا مليانة كتييييير و حاجات أخطر بكتييييير من مجرد كشف الشعر أو تغطيته
لكن لاننا نهتم بالمظهر أوى اكتر من الجوهر
لاننا بنموت من كلام الناس
لاننا لايعنينا الا الشكل و المنظر الظاهرى
لاننا بناخد الناس بمظهرهم ...ولا نبحث عن الداخل
اصبحت قضية شكل البنت من برة أهم من عفافها و حياءها و ايمانها الداخلى
فلايعنى الناس هى بتصلى و الا لأ ايمانيا
هى عفيفة و طاهرة داخليا و الا لأ
هى عاقلة و ذكية و الا لأ
أهم حاجة هى لابسة ايه ؟
ليست هناك تعليقات:
إرسال تعليق