الانسان مايعرفش يعيش وحيد فى هذه الدنيا ...
لان فى تفاعله اليومى هيتعامل مع الناس
و اى انسان تربطك بيه علاقة سواء كانت علاقة قرابة او صداقةأو جيرة أو عمل ..لازم هيكون بينكم مشاكل فى يوم من الايام
مفيش علاقة انسانية من غير مشاكل ...حتى علاقة الامومة و الابوة
فيه بنات كتير أول ما حد يعملها مشكله تميل الى انهاء العلاقة سريعا لانها لا تحتمل الايذاء من الآخرين و لا تقدر قيمة هؤلاء الناس فى حياتها مهما كان أذاهم
بتلاقيها لو بنت مفيش عمار بينها و بين مامتها و اخواتها فى البيت دايما معتزلاهم و قافلة على نفسها الباب بتحاول تعمل صداقات و اول ما تعملها وتلاقيها برده وقعت فى مشاكل معاهم و انعزلت عنهم
تعد تحلم بفارس الاحلام الى هينقذها من هذا العالم البائس و يعيشها فى بيتها ملكة نفسها و لكنها تصدم بانه برده بيعمل مشاكل
البنت الى مش على تواصل جيد دايما مع اسرتها و مع صديقاتها مش هتقدر تعمل تواصل جيد مع زوجها لانها تفتقد مهارات التواصل أصلا
وأحد أهم أسباب دا انها مش حاسة بقيمة هؤلاء الناس فى حياتها ...حاسة دايما انها مش محتاجة ليهم ..و انهم ملهمش لازمة فى حياتها ..
.و حاسة دايما ان البعد عنهم غنيمة ..مع انها خسارة
الناس الى حواليك ثروة كبيرة ..لانك فى الحقيقة عمرك ما هتستغنى عنهم
و حبك ليهم و حبهم ليكى ثروة لاتقدر بثمن ...فالمال يذهب و لكن حب الناس يبقى فى القلوب
أوعى تقولى ربنا مايحوجنى لحد ..انا مش محتاجة حد ..لو انت مش محتاجة مساعدة مادية فانت محتاجة اكيد للحب ... و حبهم ليكى انت من تصنعيه بحسن أخلاقك و قوة عقلك و طيبة قلبك و جمال روحك
ليست هناك تعليقات:
إرسال تعليق