القراءة قد تكون ممتعة عند البعض ...و غير ممتعة اطلاقا عند الاخرين
و لكن فارق كبير بين الشخصية القارئة و الشخصية التى لا تقرأ
القراءة تضفى عليك خبرات فى حياتك لو عشت ميت سنة مش ممكن هتحصلها
بتخلى رؤيتك للدنيا أوسع بكتير من الدائرة المحيطة بيك
القراءة تحيى الضمير الميت
تخيل انك نشأت فى اسرة كل افرادها بيكذبوا ...و طلعت انت كمان بتكذب دون ادنى احساس بالم الضمير ...لانك اتعودت على كدة ...
القراءة بتصلح مفهوم القيم و المبادىء عندك و تهذب اخلاقك ... وفارق كبير بين اخلاق القارىء و اخلاق غير المثقف
القراءة تنضج عقلك بالخبرات و الاحداث و الافكار و بتخلى عندك قدرة على حل المشكلات و اتخاذ القرارات و عدم التردد و الابداع كمان
تخيل واحدة عندها مشكلة مع زوجها ..و تشعر دوما ان هى الوحيدة الى عندها المشكلة دى و وان مشكلتها فريدة من نوعها وان مالهاش حل
القراءة بتلاقى حلول كتير ممكن تطبق و بتحسى انك لست وحدك فى هذه المشكلة و بتديك القوة و الارادة على الحل
القراءة بتغير المود بتاعك ...و لما تكون فى مزاج سىء ممكن تخرجك من هذا الجو الكئيب الى جو رائع
القراءة ممكن تساعدك على اكتشاف مواهبك ..بمعرفة المجالات الى انت بتحب تقرأ فيها و يمكن تبدأ كمان تكتب فيها
القراءة كمان بتصلح كتير علاقاتك الاجتماعية ..لان الانسان الى عقله كبير و أخلاقه كويسة و حالته النفسية دايما مستقرة بيكون اقرب الى حب الناس من غيره
حتى لو كنت مش بتحب القراية ...اتعود انك تقرأ حتى ولو صفحة واحدة فى اليوم ...اقرأ مقالات قصيرة ...اتعود ان يكون عندك كتاب حتى ولو هتقراه فى سنة ..مش مشكلة المهم يتقرا
عود نفسك على القراءة فان اول ما امرنا به ربنا جل و علا (أقرأ ) قبل ما نصلى و نصوم و نشهد الشهادتين
ليست هناك تعليقات:
إرسال تعليق