يعيش كل منا فى دوائر اجتماعية عديدة ..و لكل دائرة حقوق امرنا الله تعالى بها
اسرتك الصغيرة ..زوجك و اولادك
اسرتك الكبيرة ..والدك ووالدتك و اخواتك
جيرانك ...(مازال جبريل يوصيني بالجار حتى ظننت أنه سيورثه)
زملاء العمل أو الدراسة
صديقاتك
انت لا تعيشين منعزلة عن الخلق ..بل انك فى تواصل يومى مع الخلق ...
و لكل واحد من دول حق عليك شرعا و مش مجرد واجب ثقيل انت بتعمليه ...لما تعمليه بحب و برغبة من قلبك هيكون سبب فى سعادتك
و سعادتك الحقيقية فى انك تعيشى فى سلام كامل مع الناس ..كل الناس... بعلاقات طيبة تربطك بيهم
العلاقات المتوترة دايما بتسبب القلق و الهم و الحزن و ممكن الحقد و البغض ...وبتسبب التعاسة
بتحصل المشكلة بينى و بين حد فيهم ...و طول ما فيه مشكلة مش بتتحل فالمشكلة بتكبر ..و نعد نقول دى قالت و عادت و سوت ...و نهرى و ننكت و هى الى غلطانة ولازم تيجى تعتذر ...
مع انى لو بادرت انا بالصلح و الاعتذار المشكلة هتتحل و انا الى هرتاح
دايما منتظرين مبادرة من الآخرين
دايما مستنيين انهم يعرفوا غلطهم ...و انت الى بتعدى تهرى و تنكتى فى نفسك ..يعنى انت الى خسرانه سعادتك و راحة بالك
دايما منتظرين عطاياهم و مجاملاتهم و سؤالهم و مبادرتهم ...ولما مايعملوش تزعلى ...طب ماهم مستنيينك هم كمان ...طب ما تبادرى انت و تكسرى الحاجز دا
لو حصرتى الناس الى تعرفيهم دول ..و فكرتى ان كل يوم تعملى لكل واحد منهم حاجة ظريفة و لطيفة ...و تدخلى على قلوبهم السعادة ... ياسلاااااام هتحسى بسعادة لاتوصف و هتلاقى وقت فراغك اتملى لا محالة
لو رسالة ..اتصال تليفونى ...زيارة ....عيادة مريضة ...تفقد غائب ...الاستماع لحد بيشتكى ...تمشى مع حد فى حاجة ليه .. طبق حلويات لجارتك ...
فكرى و هتلاقى حاجات كتير جدا ممكن تعمليها ...تملى بيها فراغك ...و تجلب ليكى السعادة ...المهم نركز عليها
ليست هناك تعليقات:
إرسال تعليق