عقلك كمان محتاجاه علشان تكتشفى الذكاء الذى تتميزين به
الذكاء متعدد ...و مش كل واحد فينا ذكى فى كل حاجة فيه
واحدة ذكية ذكاء عقلى... وواحدة ذكية ذكاء عاطفى ...وواحدة ذكاء اجتماعى وواحدة ذكاء بصرى وواحدة ذكاء موسيقى وواحدة ذكاء روحى
انواع الذكاءات متعددة ستات كتير بتقول ( انا مش لاقية نفسى فى حاجة )
اول ما هتكتشفى الذكاء الفطرى الذى تتمتعين بيه ...دى اول الطريق لاكتشاف نفسك
فيه على الانترنت اختبارات شخصية كتيرة جدا لاكتشاف الذكاء المميز ليكى
و ازاى ممكن تطوريه و تنميه
و ازاى ممكن كمان تشتغلى بيه حتى تحققى النجاح
اشغلى يومك بهذا الأمر و حطيه فى بؤرة اهتمامك ...اكتشاف نفسك
انت مش مجرد زوجة و ام ...انت فلانة
و لما ساعتها حد يسألك انت مين ؟ بدل ما تقولى انا زوجة فلان او ام فلانة ..
هتقولى انا فلانة الفلانية الى بشتغل كذا ..دا دورى فى الحياة
حتى لو مش بتشتغلى شغل وظيفى ...هتلاقى عمل تعمليه هتلاقى نفسك فيه
اعملى احد هذه الاختبارات و ابدئى اعرفى ازاى تطورى هذا النوع من الذكاء الخاص بيكى (علم ) و ابدئى ازاى تدربى هذا النوع علشان يزيد و ينمو (عمل )
لو عندك موهبة رسم ...ارسمى و طورى الموهبة
لو عندك موهبة تطريز ..مارسى و طوريها
لو عندك هواية رياضية ابدئى و طوريها
لو عندك موهبة غنائية لا تتوقفى و كملى و اتعلمى و طوريها
اوعى تخلى جوازك و اولادك يوقفوك عن بناء نفسك فى يوم من الايام
هتلاقى كلهم بيكبروا و انت بتقلى
هتلاقيهم كل واحد فيهم انشغل بحياته و بيته و انت بقيت فى الدنيا ملكيش لازمة
اكتشفى نفسك ..و طورى مهاراتك ..و افيدى المجتمع بيها ..و اتعلمى فيها الجديد ...
و لا تكتفى ابدا بدورك كزوجة و ام ...حققى ذاتك هتسعدى فى حياتك
ليست هناك تعليقات:
إرسال تعليق