ظهور الملل فى الحياة الزوجية حتمى .. لامفر منه ..و يكاد يكون سمه للزواج ..
بل قد نتصور انه ضرورة .. وذلك لأن الملل يدفعنا الى محاولة كسره فنفكر و نتحرك و نبتكر .
فلولا الملل لما ابتكر الانسان اشياء جديدة فى الحياة
والملل يأتى من الاستمرارية على نمط واحد ووتيرة متكررة ...
فهو يبعث فى النفس الركود و انطفاء الحماس و بهتان البهجة و ضعف الاثارة و الاحساس بالضيق الزوجة الذكية واعية لمشكلة الملل ....
فلا تنساق فى سلبية التقبل و الاستسلام و المعاناة ...
ولا تنتظر أن يبادر الزوج دوما باقتراح أفكار للتجديد فأوقات الترفيه مهمة
و يجب ان تكون متغيرة و متجددة تتنوع فيها الانشطة و يتجدد فيها الأمكنة وان يكون خارج البيت و فى الهواء الطلق و السماء المفتوحة ..
و ان يكون هناك اشباع للهوايات و الاهتمامات المشتركة
وأن يكون هناك اصدقاء للعائلة بشرط اختيارهم بعناية شديدة فبعض المصائب تأتى من الأصدقاء
وليس من ضرر فى الابتعاد الحقيقى الطفيف عن البيت بالسفر و ليست اجازات طويلة منفردة ..فما ألذ اللقاء بعد الابتعاد
حاولى تكونى مختلفة فى أوقات الترفيه خليه يحس انك شخصية تانية ..غير الست الكئيبة الموجودة فى البيت
توقفى تماما عن الحديث عن مشاكلكم و مشاكل الاولاد خليك مرحة و دمك خفيف و منطلقة علشان يحس انك بتكونى لذيذة لما بيخرج معاك
حسسيه كم أنت سعيدة بخروجه معاك ...علشان يتشجع يخرج تانى
اوقات الترفيه لما بتتحول لاوقات نكد بتخلى الراجل يكسل و يأبى انه يكررها لكن لما يحس انك بتكونى شخصية تانية و بيحس انك بتكونى سعيدة هو كمان بيحس بالسعادة و بيتشجع انه يكررها
مهم انك تكونى واعية بالمشكلة ...خلى عندك ذكاء و قدرة على الابتكار ...ثم الحب و الرغبة الأكيدة فى كسر هذا الملل و تجديد المشاعر و الروح
ليست هناك تعليقات:
إرسال تعليق