أما تجيلك واحدة تشتكيلك من جوزها أو من شغلها أو من اولادها او من اهلها و تكون تعبانة اوى ..
كونى ايجابية تعاطفى معاها و حسى بألمها و لا تهونى من مشاعرها ..
و لما تحسى انها هدأت حاولى توريها الجانب الايجابى فى الموضوع
زوجها من وحش كدة دايما ..دى ميزاته كذا و كذا و كذا
اولادها مش وحشين اوى كدة ...دول ماشاء الله عليهم مؤدبين و متفوقين و ميزاتهم كذا و كذا
هى مش وحشة اوى كدة ...دى ميزاتك كتير اوى ...يعجبنى فيكى كذا ...انا بحب فيكى كذا
شغلها فيه مشاكل ...بس فيه برده ايجابيات كذا و كذا
النساء ساعات بيعدوا يسودوا الدنيا اكتر فى عيون الى بتشتكى ...
فتبدأ هى كمان تشتكى من جوزها و عيالها و شغلها
او تبدأ تبين لها ان السواد الى هى عايشة فيه دا جزء من سواد اكبر يعم الجميع
علشان الناس تحس انك انسانة ايجابية ....
حاولى توريها بياض الصورة ...
حاولى توريها ان فيه حاجات جميلة تانية فى حياتها ..
حاولى تخليها ترجع تحب جوزها واولادها و شغلها مش تكرههم اكتر و اكتر
انت كدة بترفعى من معنوياتها و تحسسيها انها أفضل
بلاش شغل الى يشوف بلاوى غيره تهون عليه بلوته
و بلاش شغل كلنا فى الهم سوا ..لانه بينشر السلبية و الكآبة و لا يساعد ابدا على حل المشكلات
ولما تخرج من عندك و هى فعلا مرتاحة و مبسوطة ..دا هيخليك انت كمان مبسوطة و سعيدة
ليست هناك تعليقات:
إرسال تعليق