انك لا تعتقد بما تراه ...و لكنك ترى ما تعتقده
مفيش انسان فى الدنيا ملاك طاهر ..و مفيش انسان شيطان رجيم ..كلنا يخطىء و يصيب لاننا بشر
لو عندك اعتقاد ان هذا الانسان شيطان ...هيكون كل تركيزك على كل اخطائه و عيوب شخصيته و تعاملاته السيئة ..
و مش هتشوف فيه اى حاجة كويسة
و أفكارك دى مهما حاولت تداريها هتظهر عليك غصب عنك ...فى نظراتك و فلتات لسانك و تعبيرات وشك و تصرفاتك ...
و هتوصل ليه شئت أم أبيت بشكل لا ارادى تماما ....
و دا هيخليه حاسس انك مش بتحبه أو انك مش بترتاح ليه أو انك مش طايقه
فيبدأ يتعامل معاك وفقا لمشاعرك دى الى اتنقلت ليه
فيزداد سوء أكتر وأكتر معاك ...
فتتأكد فكرتك أكتر و هكذا
و لو عندك اعتقاد ان هذا الانسان ملاك ..هيكون كل تركيزك على كل افعاله الطيبة و مميزات شخصيته و تعاملاته الجميلة ..
و مش هتشوف منه الا كل جميل
و أفكارك دى بتظهر عليك برده ...
وهيخليه يحس انك واثق فيه و بتحبه و بتحترمه و بتقدره من نظراتك و ملامح وشك و تصرفاتك
فدايما هتكون تصرفاته طيبة لتأكيد هذه النظرة و الحفاظ على هذه المشاعر الطيبة
جربت هذه الحقيقة مع الكثير من المقربين الذين كانوا مؤذيين بجد
و بفضل المولى لم أعد أرى منهم الا كل خير
علشان كدة دايما بقول التغيير يبدأ من نفسك
حاول فى البداية ان تنظر للانسان بشكل موضوعى تماما ...
اكتب فى ورقة حسناته و مواقفه الطيبة و افكاره التى تعجبك
حاول ان تنحى مشاعرك و تكتب مافيه من خير فهو ليس شيطان
ركز تماما و اقرأ هذه الورقة عدة مرات على مدار ايام متتالية ...
امدحه و عبر له عن اعجابك بهذه الحسنات و المواقف و استمر مهما كان رد فعله سىء
و مع الوقت هيحس ان نظرتك ليه اختلفت بالفعل و مهما كان شرانى هييجى عندك و يتعامل معاك بمنتهى الاحترام و الود
صدقنى ....
لن يتغير الآخرون الا اذا بدأت بتغيير فكرتك عنهم و مشاعرك ناحيتهم ...
جرب و مش هتخسر حاجة
ليست هناك تعليقات:
إرسال تعليق