تفقدين حب زوجك باستغلاله ماليا و اثقاله بالطلبات
فكرة (قصقصى ريشه ) دى فكرة تهدم العلاقة الزوجية
دا غير انها فكرة غلط انت ممكن تمنعيه من الزواج بقصقصة ريشه ..
.بس مش هتمنعيه من الحب ..من الصحوبية ...من الجواز العرفى ...من أى علاقة غير شرعية
الراجل الشرقى يشعر ان مهمته فى حياته انه يعمل و يجلب المال للاسرة و يوفر لها الأمان و فعلا هو بيتعب فى شغله ...
لو مكانش تعب جسدى فهو تعب فكرى و نفسى و عصبى
احساسه انه مسئول عن اعالة اسرة دا حمل تقيل عليه
لما يلاقى مراته بتاخد تعبه و شقاه و تصرف يمين و شمال ومش حاسة بقيمة الفلوس دى دا أمر يحزنه للغاية
و بيخليه دايما غضبان عليها من جواه ..
و قد يظهر غضبه بانفجارات متتالية
عزيزتى :
انا عارفة ان طلبات البيت لا تنتهى ...اكتبى الطلبات الشهرية الروتينية و حددى بالتقريب كم ما تنفقيه على البيت
طلباتك الشخصية بتاعتك انت لابد ان تسيطرى عليها مش لازم كل ما تنزلى تشترى عمر ماكان التسوق و الشراء هدف فى ذاته ...دا وسيلة لتحقيق هدف
لاتجعلى الشراء وسيلة للسعادة ..لان دا غلط ..دى شهوة لابد ان تسيطرى عليها لانها ستضرك
و ستورث لاولادك ..و بعدين تشتكى ان الولاد طلباتهم مش بتنتهى
ولادك ممكن يكونوا زيك يحبون الشراء
ولادك ممكن تكونى عودتيهم على اننا كل ما ننزل لازم نشترى ..فاتعودوا ان دى الحاجة الى بتسعدهم ساعة النزول من البيت ..و دا غلط
اشكرى دوما زوجك على تعبه و شقاه فى تدبير المال
اشكريه على اى حاجة بتشتريها
علمى ولادك انهم يشكروه على اى حاجة بيشتروها مهما كانت بسيطة
حسسيه بالسعادة علشان يحس ان تعبه و شقاه بفايدة
قاومى الرغبة فى الشراء ...و هذبى اولادك و سيطرى على طلباتهم ....و اشكرى زوجك على تعبه و ماله ...تنالى حبه و تقديره
ليست هناك تعليقات:
إرسال تعليق