تفقدين حب زوجك باساءة الظن به دائما و تفسير تصرفاته بشكل سىء
هو عمل كذا علشان مش بيحبنى
هو بيعمل كذا علشان مش بيحترمنى
هو مش بيعمل كذا علشان مش واثق فى
هو مش بيعمل كذا علشان مش بيخاف على
حبيبتى : ساعات كتير الواحد بيتصرف تصرفات لانه اتربى عليها و اتعود عليها ..
هو لايقصد أى اساءة ...بس هو تعود
والاكتر ان الراجل بيحب يتصرف براحته مع مراته ....لا بياخد باله من المجاملات الرقيقة ..و الا انه يستحمل شوية المضايقات البسيطة ..زى ما بيتعامل مع اصدقاءه و زمايله مثلا
كتير لايقصد الاساءة و لا يقصد الاهمال بس هو مايعرفش ان التصرف دا بالنسبة ليكى مؤذى
و غالبا لما تسأليه انت قصدك ايه من الكلمة دى او التصرف دا هيقولك هو كدة ...هو بيعمله بشكل تلقائى جدا كما تعود عليه
عبرى عن مشاعرك لجوزك بمنتهى الحب ...و لا تتهميه فى نواياه
انا زعلت لما عملت كذا و كنت اتمنى انك تعمل كذا
انا كنت هبقى سعيدة جدا لو عملت كذا
انا متأكدة ان نيتك طيبة و انت مش قاصد حاجة بس انا اتمنى انك تعمل كذا
بطلى تدورى على النوايا فان المقاصد لايعلمها الا المولى عز وجل ..
و ركزى فى التصرفات الظاهرة و كونى حسنة الظن دوما تنعمى بالسلامة و الامان
ليست هناك تعليقات:
إرسال تعليق