السعادة فى الامتنان

عود  لسانك دايما على كلمة شكرا ... جزاكم الله خيرا ..متحرمش منك ...ربنا يخليك لى ..الحمد لله

احساسك الداخلى بفضل ربنا عليك و الشكر الدائم ليه ..يجلب لك السعادة
و احساسك الداخلى بفضل الآخرين و ذوقهم و لطفهم بيخليك تشوفهم بشكل أجمل كتير

الناس مش وحشة ...الناس فيهم الوحش و الحلو
و علشان تعيش سعيد لازم تحس بالحلو الى حواليك و لازم تحس بأد إيه الناس دى ممكن تكون معطاءة و لطيفة ...و تشكرهم دايما على أفعالهم تجاهك

الشكر للناس كما يجلب لك السعادة بيحسس الآخرين بالسعادة ايضا ..و يشجعهم على المزيد من العطاء ..و يحسسهم ان الخير لن يضيع

عود لسانك على شكر من أحسن اليك و أوعى تقول فى نفسك ...اشكره على إيه ..دا واجب عليه
اشكروالدتك على حسن تربيتها ليك و تعبها معاك
اشكر والدك على توفير المال الهام لتعليمك و جوازك
اشكرى جوزك على كل صغيرة و كبيرة بيعملها ليكى لاتنظرى ان دا واجب عليه ....بل انظرى كيف و ان لم يفعل ؟
الاحساس بالامتنان للمولى عز وجل اولا ..ثم للناس ..احساس جميل ينشر السعادة فيمن حولك