للأسف مشكلة تتزايد معدلاتها مع تزايد الاستخدام لوسائل التواصل الاجتماعى
الانترنت وسيلة للتعارف فقط
و لو حصل اعجاب يعقبها لقاء حقيقى ومعرفة حقيقية و ليست افتراضية
حب الانترنت ليس حب حقيقى و ليس حب عميق
هو حب افتراضى فيه الكثير من الخيال و فيه الكثير من الخداع
البنت أو الشاب بيتخيل شخصية التانى حسب صورة الروفايل الى هو حاطتها و الكلام الى هو بيكتبه و بيزود عليه الكثير بشكل لا واعى تماما
يعنى صورته حلوة و بيكتب كلام عاطفى تتخيله انه مهند
والصورة حلوة و كلامها لذيذ و صوتها ناعم تبقى نانسى عجرم
و الكلام الى بيكتبه أى انسان على الانترنت احتمال كبير ما يكنش يعبر فيه عن نفسه هو يعبر عما يريد أن يكونه
يعنى بيرسم نفسه
أو بيقول الكلام لنفسه
اهتمام الانترنت ليس اهتمام حقيقى دا اهتمام افتراضى
لانه سهل انه يكلمك فى اى مكان هو فيه طالما معاه موبايل و انترنت
و كل الى بيعمله مجرد كلام حلو محدش هيحاسبه عليه
او سؤال عن احوالك عابر بدون اى اهتمام حقيقى
بدليل انه كتير بينسى الى اتقال له و يمكن كمان مايكنش قراه اصلا
و ممكن يكون مجرد بيفضفض مش لاقى حد يسمعه فعايز يتكلم مع حد
وممكن يكون بيسمعك مجرد تسلية فى وقت فراغه
الاهتمام النابع من الحب الحقيقى بيخليه يفضى نفسه فى الواقع و يفضى فكره و ييجى بنفسه ملهوف عليكى و يضحى باى حاجة علشان يجيلك يشوفك
و يقف معاك شخصيا فى المواقف الى بتحتاجه فيها
و تشوف فى عينيه لهفته و حبه و رغبته فى مساعدتك ..
و رغبته انه يعرف كل حاجة عنك و يتعرف على أهلك و يتعرف على اصحابك و عايز يدخل حياتك
الاهتمام الذى يدل على الحب مواقف و أفعال لازم تشوفها بعينيك مش مجرد كلام على صفحات التواصل
قد تنمو مشاعر حقيقية بالفعل و لكنها تكون مجرد تعلق بييجى من التعود على الكلام اليومى
زى واحد بيتعود انه يشرب الشاى فى وقت معين من اليوم
لما ييجى الوقت دا بيبقى عنده رغبة قوية فى كوباية الشاى و لو ماشربهاش يفضل مزاجه وحش و متعكر
الكلام اليومى و اللقاء اليومى على صفحات التواصل بيعمل كدة
شباب و بنات كتير و رجال و نساء بتعلق نفسها باشخاص ما شفتهاش و أول ما يحصل اللقاء يقول مش هى دى الصورة الى رسمتها فى خيالى
ومع ذلك فيه زيجات نجحت من تعارف الانترنت بس بشرط ان يحصل لقاء حقيقى و تعارف وجها لوجه
شباب كتير من الجنسين هوايته التلاعب بمشاعر الآخرين إما بهدف تبادل مشاعر الحب فقط
و اما للجنس
و اما مجرد فضفضة و تسالى
و اما انه يبحث عمن يحبه فقط
كى تحمى قلبك من الوجع و الألم ...لو حسيت بأى تقارب مع أى حد اطلب منه يقابلك فى مكان عام بمعرفة الاهل
لو مهتم فعلا هيجيلك مهما بعدت المسافات و هيذلل اى صعاب
و هتشوف فى عينيه و هتحس بملامحه الصدق او الخداع
علشان تعرف هل الاهتمام دا حقيقى و الا الكترونى
ليست هناك تعليقات:
إرسال تعليق