أولا : لازم تفهم الأول ايه التصرف المحدد الى بيخليك تتجنن
ساعات الى أدامك بيقول كلمة معينة ...بيعمل حركة معينة ..بيتصرف تصرف معين ..هو دا الى بيشعل الغضب جواك
و لما الغضب يشتعل ..بتلاقى نفسك غضبان و قرفان من أى حاجة بيعملها بعد كدة
و لسان حالك بيقول : انت كمان بتقولى و عليكم السلام
حدد تماما الكلمة او التصرف الى بتستفز غضبك و تشعله
ثانيا : كلما زاد احترامك لذاتك كلما خفت وطأة اهانة الآخرين عليك
يعنى لما واحد يقولك كلمة ..او يتصرف تصرف فيه استهانة بيك و عدم احترام
ثقتك بنفسك بتخليك تقول لنفسك انا انسان محترم ...
و هو الى قليل الادب ...يعنى دى مشكلته هو مش مشكلتك انت
هى يعنى كلمته لزقت فيك
لما تكون مش واثق فى نفسك و حاسس من جواك انك ضعيف فى نقطة معينة و حد يواجهك بيها بتكون مؤلمة اكتر و اكتر
يعنى لو عارف انك غبى فى نقطة معينة و حد قالك ياغبى ..بتحس بالغضب اكتر من انك عارف وواثق من نفسك انك ذكى و هو الى غبى
ثالثا : أغلب غضب الآباء و الامهات من اولادها من احساسهم بضعف قدرتهم على السيطرة
لازم تفهم ان مش مطلوب منك انك تسيطر على ولادك ..و دا مش مقياس لقوتك انهم يسمعوا كلامك
و مش علشان هم صغيرين لازم يسمعوا كلامك
و مش علشان هم الاقصر لازم تتحكم فيهم
ومش علشان هم الاضعف يبقى لازم تفرد عضلاتك عليهم
دا مش صراع مين الاقوى
و لما يغلطوا او مايسمعوش الكلام ..مش معناها انك ضعيف و مش قادر تسيطر
معناها انهم بنى ادمين ليهم تفكيرهم و رغباتهم و حريتهم و مشاعرهم الى لازم توجهها بهدوء مش بالعنف و القوة
رابعا : لو الغضب دايما بسبب توقعاتك انك عايز مساعدة و دعم مادى و معنوى من حد و دايما بيخيب ظنك و مش بتلاقيه
سيبك منه خالص
و دور على حد تانى ممكن يديك الدعم و المساندة
يعنى الزوجة الى طول النهار تكلم نفسها و عايزة جوزها يساعدها
لو جابت حد يساعدها فى شغل البيت
لو جابت مدرس يساعدها فى المذاكرة
هيقل غضبها جدا على جوزها الى قاعد طول النهار على النت او التليفزيون او هربان مع اصحابه
خامسا : لو كل تصرف بيضايقك بيتحول لخناقة و صراع
اسأل نفسك
بقالك سنين بتتخانق على نفس الحاجة ...هل اتغير شىء ؟؟؟؟
رد الفعل الغاضب يشعل الصراع و لا يحل المشاكل
قررر مع نفسك انك لن تسمح للآخر لأن يجرك الى صراع و خناق
لانه بيعمل كدة علشان يبين لك انك انت الى غلطان
يعنى لما زوجة تبص فى موبايل جوزها و تلاقى حاجات غلط و تعد تصرخ و تزعق و تهلل ...هيبقى مين الى غلطان فى النهاية ؟؟؟؟
هدى اعصابك علشان محدش يمسك عليكى غلطة يافالحة
سادسا : بلاش تتنرفز اوى من ان الناس اخلاقهم بقت وحشة
الانسان الى اخلاقه عالية و عنده قيم و مبادىء اكتر حاجة بتضايقه ان الناس معندهاش اخلاق و لا تتعامل معاه باخلاقه
لازم تعرف ان الناس مختلفين فى اخلاقهم و حساسيتهم للمبادىء و الذوق
و اننا فى عالم معدش فيه اخلاق و ذوق
و دى حقيقة تدعوك الى انهم يصعبوا عليك لانهم ناس ما اتربوش
مش انك تغضب منهم
سابعا : فيه ناس بتحس بالغضب لما تدخل مناقشة و تحس ان التانى هيقنعها او حجته اكبر او عنده حق
حط فى بالك ان رأيى مش كرامتى
يعنى لما انا اكون غلطان فى رأيى او تصرفاتى ..دى حاجة مالهاش علاقة بكرامتى ابدا
انت انسان
و من حقك ان تخطىء عادى ..فقد اخطأ انبياء الله المعصومين و ذكر لنا ربنا اخطاؤهم فى القرآن و لم ينقص ذلك من قدرهم شىء
الخطأ مش عيب ....العيب انك تتخانق و انت عارف فى قرارة نفسك انك غلطان ...
بيبقى شكلك وحش أوى و بيبان عليك لما تقاوح
و هيبقى شكلك أظرف بكتير و محترم أكتر لما تعترف و تقول انا غلطان ..أنا آسف
ثامنا : لما تحس بالغضب عبر عن غضبك بكلمات محددة جدا
كل ما ماهتكون محدد جدا فى الحاجة الى ضايقتك و تطلب التصرف البديل كل ما هتكون كلماتك لها وقع اكبر
و هتظهر ادام التانى انك واثق من نفسك و انك قوى من جواك
لو سمحت ما تعلقش تانى على شكلى و ووزنى لانى بحس بالاهانة ....مش عاجبك شكلى ووزنى ماتبصش على
كان ممكن تشيل الكوباية تحطها فى المطبخ بدل ما تعد تزعق شيلوا الكوباية
من فضلك مش عايز اى كلام سىء عن اهلى تانى ...لو مش عايزة تروحى لهم تانى ماتروحيش
قل كلمتك بمنتهى القوة و الحزم ..علشان تكون رسالتك واضحة و محددة
تاسعا : حط لنفسك بدائل تانية بدل التعبير عن غضبك
لو مش قادر تعبر عن غضبك أدب و احترام
ادخل اتوضأ ..خد دش ...املا البانيو و اقعد فيه
صلى ركعتين ..اسمع أو اقرأ قرآن ....استغفر ...ادعى ربنا
عيط ..امسك المخدة و اضربها ..اصرخ مع نفسك ..اكسر حاجة
اخرج ..اجرى ..اتمشى ..العب رياضة
اسمع موسيقى ..اقرأ رواية ..اتفرج على فيلم كوميدى
اعمل اى حاجة ممكن تهديك و تصرف عنك شحنة الغضب الى جواك
عاشرا : حط فى بالك ان الاكثر هدوءا هو الأكثر تحكما
بيبان ادام الناس انه الأقوى نفسيا
الاكثر احتراما
الاكثر قدرة على الاقناع
و الاكثر تقبلا و احساسا بالآخرين
فيه فرق بين واحد بيسكت علشان هو قوى نفسيا و عقليا
وواحد ساكت علشان هو ضعيف و مش قادر يواجه بالعقل و المنطق
و بيبان الفرق بين الاتنين
فبدل ما تستعرض قوتك بعضلاتك و حنجرتك
ابنى قوتك العقلية و النفسية الداخلية الحقيقية علشان ثقتك فى نفسك تزيد
ساعات الى أدامك بيقول كلمة معينة ...بيعمل حركة معينة ..بيتصرف تصرف معين ..هو دا الى بيشعل الغضب جواك
و لما الغضب يشتعل ..بتلاقى نفسك غضبان و قرفان من أى حاجة بيعملها بعد كدة
و لسان حالك بيقول : انت كمان بتقولى و عليكم السلام
حدد تماما الكلمة او التصرف الى بتستفز غضبك و تشعله
ثانيا : كلما زاد احترامك لذاتك كلما خفت وطأة اهانة الآخرين عليك
يعنى لما واحد يقولك كلمة ..او يتصرف تصرف فيه استهانة بيك و عدم احترام
ثقتك بنفسك بتخليك تقول لنفسك انا انسان محترم ...
و هو الى قليل الادب ...يعنى دى مشكلته هو مش مشكلتك انت
هى يعنى كلمته لزقت فيك
لما تكون مش واثق فى نفسك و حاسس من جواك انك ضعيف فى نقطة معينة و حد يواجهك بيها بتكون مؤلمة اكتر و اكتر
يعنى لو عارف انك غبى فى نقطة معينة و حد قالك ياغبى ..بتحس بالغضب اكتر من انك عارف وواثق من نفسك انك ذكى و هو الى غبى
ثالثا : أغلب غضب الآباء و الامهات من اولادها من احساسهم بضعف قدرتهم على السيطرة
لازم تفهم ان مش مطلوب منك انك تسيطر على ولادك ..و دا مش مقياس لقوتك انهم يسمعوا كلامك
و مش علشان هم صغيرين لازم يسمعوا كلامك
و مش علشان هم الاقصر لازم تتحكم فيهم
ومش علشان هم الاضعف يبقى لازم تفرد عضلاتك عليهم
دا مش صراع مين الاقوى
و لما يغلطوا او مايسمعوش الكلام ..مش معناها انك ضعيف و مش قادر تسيطر
معناها انهم بنى ادمين ليهم تفكيرهم و رغباتهم و حريتهم و مشاعرهم الى لازم توجهها بهدوء مش بالعنف و القوة
رابعا : لو الغضب دايما بسبب توقعاتك انك عايز مساعدة و دعم مادى و معنوى من حد و دايما بيخيب ظنك و مش بتلاقيه
سيبك منه خالص
و دور على حد تانى ممكن يديك الدعم و المساندة
يعنى الزوجة الى طول النهار تكلم نفسها و عايزة جوزها يساعدها
لو جابت حد يساعدها فى شغل البيت
لو جابت مدرس يساعدها فى المذاكرة
هيقل غضبها جدا على جوزها الى قاعد طول النهار على النت او التليفزيون او هربان مع اصحابه
خامسا : لو كل تصرف بيضايقك بيتحول لخناقة و صراع
اسأل نفسك
بقالك سنين بتتخانق على نفس الحاجة ...هل اتغير شىء ؟؟؟؟
رد الفعل الغاضب يشعل الصراع و لا يحل المشاكل
قررر مع نفسك انك لن تسمح للآخر لأن يجرك الى صراع و خناق
لانه بيعمل كدة علشان يبين لك انك انت الى غلطان
يعنى لما زوجة تبص فى موبايل جوزها و تلاقى حاجات غلط و تعد تصرخ و تزعق و تهلل ...هيبقى مين الى غلطان فى النهاية ؟؟؟؟
هدى اعصابك علشان محدش يمسك عليكى غلطة يافالحة
سادسا : بلاش تتنرفز اوى من ان الناس اخلاقهم بقت وحشة
الانسان الى اخلاقه عالية و عنده قيم و مبادىء اكتر حاجة بتضايقه ان الناس معندهاش اخلاق و لا تتعامل معاه باخلاقه
لازم تعرف ان الناس مختلفين فى اخلاقهم و حساسيتهم للمبادىء و الذوق
و اننا فى عالم معدش فيه اخلاق و ذوق
و دى حقيقة تدعوك الى انهم يصعبوا عليك لانهم ناس ما اتربوش
مش انك تغضب منهم
سابعا : فيه ناس بتحس بالغضب لما تدخل مناقشة و تحس ان التانى هيقنعها او حجته اكبر او عنده حق
حط فى بالك ان رأيى مش كرامتى
يعنى لما انا اكون غلطان فى رأيى او تصرفاتى ..دى حاجة مالهاش علاقة بكرامتى ابدا
انت انسان
و من حقك ان تخطىء عادى ..فقد اخطأ انبياء الله المعصومين و ذكر لنا ربنا اخطاؤهم فى القرآن و لم ينقص ذلك من قدرهم شىء
الخطأ مش عيب ....العيب انك تتخانق و انت عارف فى قرارة نفسك انك غلطان ...
بيبقى شكلك وحش أوى و بيبان عليك لما تقاوح
و هيبقى شكلك أظرف بكتير و محترم أكتر لما تعترف و تقول انا غلطان ..أنا آسف
ثامنا : لما تحس بالغضب عبر عن غضبك بكلمات محددة جدا
كل ما ماهتكون محدد جدا فى الحاجة الى ضايقتك و تطلب التصرف البديل كل ما هتكون كلماتك لها وقع اكبر
و هتظهر ادام التانى انك واثق من نفسك و انك قوى من جواك
لو سمحت ما تعلقش تانى على شكلى و ووزنى لانى بحس بالاهانة ....مش عاجبك شكلى ووزنى ماتبصش على
كان ممكن تشيل الكوباية تحطها فى المطبخ بدل ما تعد تزعق شيلوا الكوباية
من فضلك مش عايز اى كلام سىء عن اهلى تانى ...لو مش عايزة تروحى لهم تانى ماتروحيش
قل كلمتك بمنتهى القوة و الحزم ..علشان تكون رسالتك واضحة و محددة
تاسعا : حط لنفسك بدائل تانية بدل التعبير عن غضبك
لو مش قادر تعبر عن غضبك أدب و احترام
ادخل اتوضأ ..خد دش ...املا البانيو و اقعد فيه
صلى ركعتين ..اسمع أو اقرأ قرآن ....استغفر ...ادعى ربنا
عيط ..امسك المخدة و اضربها ..اصرخ مع نفسك ..اكسر حاجة
اخرج ..اجرى ..اتمشى ..العب رياضة
اسمع موسيقى ..اقرأ رواية ..اتفرج على فيلم كوميدى
اعمل اى حاجة ممكن تهديك و تصرف عنك شحنة الغضب الى جواك
عاشرا : حط فى بالك ان الاكثر هدوءا هو الأكثر تحكما
بيبان ادام الناس انه الأقوى نفسيا
الاكثر احتراما
الاكثر قدرة على الاقناع
و الاكثر تقبلا و احساسا بالآخرين
فيه فرق بين واحد بيسكت علشان هو قوى نفسيا و عقليا
وواحد ساكت علشان هو ضعيف و مش قادر يواجه بالعقل و المنطق
و بيبان الفرق بين الاتنين
فبدل ما تستعرض قوتك بعضلاتك و حنجرتك
ابنى قوتك العقلية و النفسية الداخلية الحقيقية علشان ثقتك فى نفسك تزيد
ليست هناك تعليقات:
إرسال تعليق