فيه ناس بيبقوا طالعين من تجربة فاشلة قاسية و مؤلمة بتفقدهم الثقة فى نفسهم
و بتفضل التجربة مسيطرة عليهم و على تفكيرهم تماما
دا طبيعى جدا
و بيحصل معانا كلنا
بس المهم الا يستمر هذا الامر فترة طويلة
و المهم الا تتخذ قرارات مهمة و انت فى فترة الضعف دى و تكون واعى لنفسك كويس قبل ما تخوض تجربة جديدة
اتعجب بالفعل ممن يخرج من تجربة زواج أو حب فاشل بانه علطول يتجوز حد تانى
و يبقى هيموت و يتجوز اى حد و باسرع وقتممكن علشان يثبت لنفسه انه لازال قادر على الزواج و انه مرغوب
و يمكن علشان يغيظ التانى
و يمكن علشان يخرس كلام الناس
و يبقى فى حالة تخلى اختياره سىء و غلط و تخليه يقع فى زواج فاشل برده
اوعى تتجوز الا لما تفوق من الصدمة الاولى
اوعى تتجوز عند او تتجوز علشان خاطر الناس او تتجوز علشان تثبت لنفسك انك لازلت مرغوب
هو ممكن ربنا سبحانه و تعالى ينعم عليك بشريك حياة تانى يتفهم المك و يفهم معاناتك و يساعدك على تخطيها و ممكن تتكلم معاه براحتك و هو يستوعب و يحتضن و يحتويك هو دا الى تمسك فيه لكن انك تتجوز اى واحد و السلام يبقى انت بتهرب من فشل لفشل تانى
ليست هناك تعليقات:
إرسال تعليق