عندنا كلنا مهام ثقيلة على قلبنا و بنحس انها دايما مملة
و بتزهق
اضف اى فكرة ابداعية تعملها اثناء اداء المهمة علشان تخفف من احساسك بالملل و يمكن كمان تخليها ممتعة
يعنى و انتى بتكوى الهدوم اسمعى اغانى و غنى معاها
و انتى بتنظفى الحمام املى البانيو و اعدى بلبطى فيه شوية
و انتى بترضعى البيبى اعدى اذكرى ربنا و ادعيه بذكر معين
و انتى بتلعبى رياضة اعمليها بشكل راقص
و انتى عند حماتك قومى اطبخى حاجة بتحبيها
و انت قاعدة مع ناس مملة اقعدى اتفرجى على تعبيرات وشوشهم و حركات جسمهم و هم بيتكلموا زى ما تكونى بتتفرجى على التليفزيون
و انت بتجيب طلبات البيت
و انت قاعد فى العربية وواقف فى الاشارات و مزنوق فى الزحمة ...
غنى ..اسمع حاجة بتحبها ...افتكر حاجة تضحك و اضحك ...ارغى مع حد بتحبه
خد شغلك من على مكتبك الرتيب و روح اقعد جنبك زميلك شوية ( مش زميلتك )
جدد فى العمل الرتيب و اربطه بحاجة بتحبها علشان يعدى الوقت بسرعة و ما تحسش بالملل
فعلا افكار حلوه قوى شكرا لك
ردحذف