حط لأولادك جوايز على الجهد و ليس على النتيجة
الجوايز دى اشكال و انواع حسب شخصية ابنك و ما يحبه و ما يفضله ويحفزه اكتر
أفضل الا تقال له الجائزة قبل العمل
يعنى ماتقلش
لو ذاكرت كذا هجيبلك كذا
ماتقلش ....لو خلصت الواجب هجيب لك حاجة حلوة
علشان مايتعودش على كدة
الطفل بيتعود على انه مايعملش حاجة الا بمقابل
و يبدأ لما يكبر يشترط عليك الجايزة علشان يعمل العمل ...أعمل كذا و تجيبيلى كذا ؟
الجايزة تكون بعد العمل و من غير ما تقول فى البداية
يعنى لاقيته عمل واجباته بسرعة النهاردة ..اديله الجايزة
لاقيته عملها باتقان من اول مرة ..امنحه عطاء زيادة
بذل مجهود علشان امتحان بكرة ...خليه يحس بانه عمل حاجة كويسة
الجوايز دى ممكن تكون معنوية ..
مدح و تشجيع و افتخار بيه
قبلات و احضان و تربيت على كتفه لعب معاه
و ممكن تكون مادية
حلويات
زيادة فى مصروف بكرة
وممكن تكون وقت زيادة لعمل حاجة بيحبها
ساعة لعب زيادة
تأخير فى موعد النوم نص ساعة
تأخير فى موعد الرجوع للبيت نص ساعة
يلعب مع ابن الجيران شوية
ينزل يلعب بالعجلة شوية
الهدف انه يتعلم ان بذل الجهد هيلاقى دايما نتايج ايجابية ليه و دا هيحفزه لبذل المزيد من الجهد
ليست هناك تعليقات:
إرسال تعليق