ماتعلميهوش انه يحفظ علشان يجيب درجات بس
ربنا بيقول :
( و الذين جاهدوا فينا لنهدينهم سبلنا و ان الله لمع المحسنين)
لازم ابذل مجهود علشان ربنا يساعدنى و يعينى و يكون معايا
لاتهتم بالنتائج بقدر اهتمامك بالجهد المبذول
يعنى لو بذل جهد و جاب درجات افرح على انه اجتهد و ثابر و تحدى نفسه
ولو مجابش درجات يبقى مفيش مشكلة يكفيه انه بذل مجهود
ركز على جهد الطفل فى المذاكرة و شجعه و اشكره و امدحه على مجهوده مش على درجاته
لانه ممكن يجيب درجات بالغش الجماعى من المدرسين علشان المدرس يطلع نتيجته كويسة
او بالغش بين الزملاء الى بأة دلوقت امر عادى
و ساعات بتيجى بالرشوة و الهدايا للمدرسين
يعنى الدرجات الى بتيجى دى مش مضمون مصدرها اوى و مالهاش قيمة فى المستقبل
ممكن كان واحد متوسط فى المدرسة ينجح فى حياته اكتر من طالب كان بيطلع الاول
المضمون هو الجهد الى انت شايفه ادامك و الى فعلا يستحق التقدير و التشجيع و الثناء
ليست هناك تعليقات:
إرسال تعليق