المقارنة ..بقارن ولادى باولاد الجيران و اولاد سلفتى واولاد عمتى اخت جوزى و الغيرة بتاكلنى
حاسين ان دا فشلنا احنا الشخصى ...لما المعلمة بتشتكى من ابنك بتحس ان دا فشل ليك انت شخصيا كمربى
الاحساس بالخزى ...احساسك انك مكسوف من ولادك و انت عايش طول عمرك على الفشخرة الكدابة ..مش عارف تتفشخر بيهم
الخوف من المستقبل ...وانك فاكر ان الدراسة هى مستقبلهم مع انك شايف خريجى طب و هندسة و حالتهم الكرب
ساعات الغضب بسبب انك اصلا فشلت فى دراستك و لم تحقق احلامك او مكانش ليك احلام اصلا الا الجواز و حسيت ان دا غلط و عايز ابنك يعمل الى انت شخصيا ما قدرتش عليه
لو انت حريص فعلا على ابنك
لو انت مش بيهمك كلام الناس الى حواليك و حاسس ان ابنك اهم
لو انت حاطت فى مخك ان ابنك ذكى بس هى المشكلة فى النظام التعليمى الى مش بيكتشف ذكاؤه و لا بينميه
لو انت ما يهمكش كلام المدرسين لان المشكلة ممكن تكون فى المدرس نفسه
لو انت حريص على ابنك بدون اى مؤثرات خارجية و مؤثرات نفسية عندك هتقدر تعرف مشكلته و تعالجها
و هتقدر تزرع فيه الثقة فى نفسه الى هتخليه يجتهد و يثابر و يتحمس الى انه يكون أفضل
و هيقدر يعوض اى نقص فيه بالمزيد من الجهد و العمل
ليست هناك تعليقات:
إرسال تعليق