فكرة قبيحة بتحسس الراجل انه زى الثور الى مربوط فى الساقية و بتعيشه طول عمره تعيس و مجهد
فكرة لاتقدم علي تنفيذها الا امرأة غبية ما تتعاشرش عارفة انه مش هيعيش معاها بارادته لانها سيئة فلازم تربطه زى الحيوان
افكار غريبة بتحول الحياة الزوجية لسجن مظلم بارد تفوح منه رائحة العفن
ازاى هيتربى فيه أطفال أسوياء أصحاء
يا حبيبتى :
الراجل الى بيتربط بالعيال راجل مخنوق هيطلع عليك غلبه و خنقته بالشجار الدائم أو الانسحاب الرهيب
و فى الحالتين انتى الى خسرانه انت و عيالك
هتنكدى على نفسك بالخناق المتواصل و العيال دول هيتأثروا نفسيا جدا من هذا الخناق و هيطلع اطفال غير اصحاء هينكدوا عليكى عيشتك اكتر ما هو منكد عليكى عيشتك انت كمان
أو انك هتتحملى مسئوليتهم كاملة بسبب هروبه الدائم من البيت
يبقى انتى استفدتى ايه ؟؟؟
اكتر حاجة تربط الراجل هى احساسه بالسعادة و الحب و دا الى هيخليه بيحب بيته و يشارك فيه
دا غير رجالة اليومين دول معدوش بيتربطوا بالعيال و بيرمولك العيال و يقولولك مع السلامة و اتحملى انتى كمان مسئوليتهم المادية
فكرة الربطة بالعيال دى لو دخلت فى حياة الزوجين بتكون فكرة سيئة جدا لانها بتخليهم يتعاملوا مع بعض و هم مجبرين و مغصوبين على بعض بس علشان خاطر العيال مش علشان هم الاتنين عايزين بعض و عايزين يعيشوا مع بعض
يبقى فين المودة و الرحمة الى بينهم
على فكرة الزواج ليس مجرد محضن لتفريخ اطفال
الزواج هدفه الاستقرار النفسى للزوجين أساسا
الرسول كان عايش مع أغلب زوجاته بدون انجاب علشان بيحبهم و هم بيحبوه ...اتربط بالمودة و الرحمة مش بالعيال
مش عارفة بصراحة الست بتقبل على نفسها كدة ازاى
الى مش عايز يعيش معايا علشان بيحبنى انا شخصيا يبقى مع السلامة و القلب داعيله
لكن انى اربطه و اجبره و احبسه و اخنقه ...طب لييبيه ؟ و مين المستفيد
ليست هناك تعليقات:
إرسال تعليق