بين المنظم و الفوضوى

انت انسان منظم و بتحب تشوف كل حاجة ادامك مرتبة و منظمة و فى مكانها

خلى بالك من الارتباط بانسان فوضوى بيحب يعيش فى الفوضى ولا بياخد باله من وجودها اصلا

انت ممكن اعصابك تتعب لو شفت الفوطة معووجه على الشماعة و ممكن تتعب لو لاقتها على السرير
لكن ممكن تنهار لو لاقتها واقعة على الارض

اعصابك هتتعب لو مالقتش فردة الجزمة فى الجزامة
و هتتتعب اكتر لو لقيتها تحت الكنبة او السرير
و ممكن تنهار لو لقيتها فى دولاب الهدوم او فى التلاجة

هتفضل كدة مستاء طول ما انت موجود فى البيت و هيبقى البيت بالنسبة ليك مزبلة مهما حاول التانى يتعلم

لانه صعب جدا جدا انك تغيره
فمهما غيرته مش هتقدر توصله لمستوى النظام و النظافة الى انت عايزها

فنصيحتى للانسان المنظم و الى اعصابه بتتعب من قلة النظام انه ماياخدش حد فوضوى