لو انت مقدم على الزواج و حاطت فى بالك ان شريك حياتك هو الاسفنجة الى هتمص كل احباطاتك و احزانك و آلامك و غضبك و مخاوفك
و ان من حقك تدخل البيت تصب عليه جام غضبكو فى راسك فكرة لو ما استحملنيش مين هيستحملنى ؟
يبقى انت كدة بتحفر قبر المودة و الرحمة بايديك
شريك حياتك دا أهم انسان فى حياتك
و لو هيستحمل مرة و الا اتنين مش هيستحمل سنة و الا سنتين
و ان كنت حريص على مشاعر اخواتك ووالدتك
و على مشاعر صاحبك و زميلك فى الشغل
و بتتحاول تتحكم فى اعصابك ادام مديرك و الا والدك
فشريك حياتك اولى بهذا
لان كل دول هيسيبوك فى يوم من الايام
هتسيب والدك ووالدتك و اخواتك و تروح تعيش معاه.. مع شريك حياتك
اولادك هيسيبوك بعد كدة و كل واحد فيهم هيتجوز ...
اصحابك و زمايلك و اخواتك مش هيعيشوا معاك
و سيبقى معك شريك حياتك ..
لما بتسافر هو الى بييجى معاك
لما بتعجز هو الى بيفضل معاك
انه الابقى لك و الادوم
و الى لازم يتلقى احسن معاملة علشان يبقى دايما شايل فى قلبه الحب و الرحمة
و يقدر يستحملك لما تكبر وتعجز و تضعف و تحتاج المساعدة و الانس لما الكل يبعد و ينشغل بحياته
لو انت من النوع الى بتعامل الناس كلها كويس و شريك حياتك بيتلقى اسوأ معاملة
اعرف انك هتعيش طول عمرك وحيد
و هتموت برده وحيد
و لن تشعر ابدا بالسعادة الزوجية
ليست هناك تعليقات:
إرسال تعليق