من علامات الحب الاهتمام
الاهتمام يعنى الانتباه للتغيرات التى تحدث للآخر و فى حياته و مشاركته أو التعاطف معه أو مساندته نفسيا أو ماديا
فيه شخصيات انانية متعرفش اصلا تهتم الا بنفسها
كل تفكيرها فى نفسها فقط
وكل تفكيرها فى شريك حياتها منصب على توجيهه الى كيفية انه يراعيه و يخدمه و يساعده و يهتم بيه بحيث يكون وظيفة شريك الحياه هى انه يدلعه
قد يظهر بعض الاهتمام فى بداية العلاقة رغبة فى كسب حب شريك حياته
لكن اول ما يكسب حبه و يضمنه تلاقيه تعامل معاه كأنه أمر مسلم به و تلاقيه مش بيبطل طلبات تريحه و تسعده هو
فى حين انه لا يظهر اى اهتمام براحة و سعادة شريك حياته
هو عايزه بس علشان يكون تحت امره و فى خدمته
لو متضايق او تعبان يعد يتكلم و يفضفض ..لكن لو شريك حياته متضايق لايهتم
لو جت مناسبة ليه او لأهله يطالب شريك حياته باداء الواجب الى عليه فى حين انه لايهتم ابدا لاى مناسبات لشريكه او لاهل شريكه
لو محتاج مساعدة يفرض على شريكه المساعدة و يعتبرها من واجباته ( تشتغل و تدينى الفلوس )
فى حين انه لايبادر ابدا بمساعدة شريكه وقت حاجته
هو معندوش استعداد يفكر أصلا فيما يسعد او يريح شريك حياته لانه بيعتبر شريكه وسيلة لراحته هو الشخصية و سعادته
هو شخصية انانية لن تتوقف عن انانيتها و تمركزها حول ذاتها الا اذا احست ان الطرف التانى هيضيع منه بطلب الانفصال
فيبدأ يتحسن شوية و بعدين ترجع ريما لعادتها الاديمة تانى
للاسف الشخصية دى تستنفذ شريك حياتها مع الوقت و بتخليها تفقد الثقة فى نفسها و فى تقديرها لذاتها و فى احساسها انه انسان يستحق السعادة و الحب
فان كنت فى فترة خطوبة مع شخصية زى دى فلا انصح ابدا بالاستمرار
و ان كنت ارتبطت بالزواج من هذه الشخصية فربنا معاك
ليست هناك تعليقات:
إرسال تعليق