فيه نوعيات من الناس ماتعرفش أصلا تثق فى حد ...
شايفة كل الناس وحشين و خاينين و غير أهل للثقة
و دول صعب جدا يقيموا علاقة حب قوية أو علاقة زواج ناجح
المشكلة دايما فيهم و فى سوء ظنهم المستمر بالناس الى حواليهم
و تشككهم فى نواياهم
و تفسير حتى تصرفاتهم الطيبة بسوء ظن
على سبيل المثال :
واحدة طول النهار بتشتكى من زوجها
و لما تفكريها بانه عمل حاجة كويسة ...يا شيخة ماجاب لك هدية قيمة فى عيد ميلادك ...
ترد : دا كان جايبها بس علشان عايزنى اصالح اخته ..رشوة
كان جايبها بس علشان يصورها و يتمنظر بيها ادام أهله على الفيس ...منظرة
دى واحدة عمرها ما هتحس بالحب و لا بالأمان
و استمرارها فى التصريح عن مشاعرها السلبية دى لجوزها هتخليه يفقد حبه ليها مع الوقت ..و يحس انه مهما عمل فهى تسىء الظن بيه علطول الخط
و فيه نوعيات ليست أهل للثقة فعلا
لانها كذابة
لانه بتاع ستات
لانها رغاية و كلامها كتير عن الناس
لانه كتوم جدا
لأنها حسودة و حقودة
و دول بالفعل العلاقة معاهم بتكون صعبة جدا و صعب اوى تحبهم و تثق فيهم
قلة الثقة فى العلاقة قد يكون سببها انت و قد يكون سببها شريك حياتك
فان لم يصدر من شريك حياتك مواقف حقيقية ظهر فيها انه افشى سر او كذب او تكتم على امر مهم او دل على حقد دفين ....يبقى غالبا السبب فيك
ليست هناك تعليقات:
إرسال تعليق