قال : لو أنا عندى مشكلة نفسية مأثرة على حياتى الزوجية ..أتصرف ازاى ؟
المفروض انى اعالج الموضوع بينى و بين نفسى و لا احمل شريك حياتى المسئولية عن كدة
و المفروض شريك الحياة يراعى النقطة دى و ما يسوءش فيها
يعنى مثلا
راجل غيور غيرة مرضية بسبب عقدة نفسية من الستات
المفروض يعرف و يفهم ان دى مشكلته هو مش مشكلة مراته
و يحاول يمنطق مشاعره و يتحكم فى تصرفاته بالعقل
يعنى مثلا ماينفعش علشان هى عملت لواحد لايك على الفيس يتهمها انها خاينة و يعد يسألها و يستجوبها تعرفيه منين و يؤذيها بالشك
هيتضايق طبعا ..و يحس ان النار بتغلى فى نافوخه ...و الشيطان يلعب بعقله ..بس لازم يتحكم فى تصرفاته
يعد مع نفسه كدة
و يعرف ان هو الى مأفور المواضيع
و ان دا مش منطق انها بدال عملت لايك يبقى بتعرفه
و يستعيذ بالله من الشيطان الرجيم
و يقولها بمنتهى الذوق لما عملتى لايك لفلان انا اتضايقت ..وخلاص ..بدون استجوابات و اتهامات و نظرات شك و ريبة
بحيث هى كمان تاخد بالها بعد كدة و تراعى غيرته الزيادة
لكن لا يؤذيها بتصرفاته و تساؤلاته و اتهامه ليها بالخيانة و يسيطر على تصرفاته بالعقل
واحدة مثلا متعلقة جدا بزوجها و عايزة تملكه و تعرف عنه كل صغيرة و كبيرة و بتتصل عشر مرات فى اليوم ...علشان تحافظ عليه
المفروض ان تدرك ان هى الى عندها المشكلة و ان الحب ليس تملك
و تديله مساحة كافية للحركة بعيد عنها
هتبقى متضايقة لما يبعد ..
و هتبقى زعلانة لما تعد ست ساعات ماتكلموش ..
و هتفضل قلقانة
بس لازم تقاوم دا و تسيطر عليه و ما تطلعوش و تقول لنفسها لازم اتحكم فى تصرفاتى لو مش هقدر اتحكم فى مشاعرى
هى ممكن تقوله انا بتضايق لما تخرج مع اصحابك و بكون قلقانة جدا
.بس انا عارفة ان دى مشكلة فى أنا
علشان هو ياخد باله و مايزودهاش ..و لو بيحبها فعلا هيحاول يقلل من خروجاته علشان خاطرها ..و يقول لها انا مقدر انك بتضايقى علشان كدة مش عايز اخرج النهاردة
و هى كمان ما تعكننش عليه كل ما يخرج مع اصحابه ..و تحاول تتكلم بمنتهى الهدوء
مشاعرنا صعب أوى نتحكم فيها ..لانها بتحصل بشكل لا ارادى
لكن تصرفاتنا لازم نسيطر عليها بالعقل ...
دا لو عايزين نبقى عقلاء
المفروض انى اعالج الموضوع بينى و بين نفسى و لا احمل شريك حياتى المسئولية عن كدة
و المفروض شريك الحياة يراعى النقطة دى و ما يسوءش فيها
يعنى مثلا
راجل غيور غيرة مرضية بسبب عقدة نفسية من الستات
المفروض يعرف و يفهم ان دى مشكلته هو مش مشكلة مراته
و يحاول يمنطق مشاعره و يتحكم فى تصرفاته بالعقل
يعنى مثلا ماينفعش علشان هى عملت لواحد لايك على الفيس يتهمها انها خاينة و يعد يسألها و يستجوبها تعرفيه منين و يؤذيها بالشك
هيتضايق طبعا ..و يحس ان النار بتغلى فى نافوخه ...و الشيطان يلعب بعقله ..بس لازم يتحكم فى تصرفاته
يعد مع نفسه كدة
و يعرف ان هو الى مأفور المواضيع
و ان دا مش منطق انها بدال عملت لايك يبقى بتعرفه
و يستعيذ بالله من الشيطان الرجيم
و يقولها بمنتهى الذوق لما عملتى لايك لفلان انا اتضايقت ..وخلاص ..بدون استجوابات و اتهامات و نظرات شك و ريبة
بحيث هى كمان تاخد بالها بعد كدة و تراعى غيرته الزيادة
لكن لا يؤذيها بتصرفاته و تساؤلاته و اتهامه ليها بالخيانة و يسيطر على تصرفاته بالعقل
واحدة مثلا متعلقة جدا بزوجها و عايزة تملكه و تعرف عنه كل صغيرة و كبيرة و بتتصل عشر مرات فى اليوم ...علشان تحافظ عليه
المفروض ان تدرك ان هى الى عندها المشكلة و ان الحب ليس تملك
و تديله مساحة كافية للحركة بعيد عنها
هتبقى متضايقة لما يبعد ..
و هتبقى زعلانة لما تعد ست ساعات ماتكلموش ..
و هتفضل قلقانة
بس لازم تقاوم دا و تسيطر عليه و ما تطلعوش و تقول لنفسها لازم اتحكم فى تصرفاتى لو مش هقدر اتحكم فى مشاعرى
هى ممكن تقوله انا بتضايق لما تخرج مع اصحابك و بكون قلقانة جدا
.بس انا عارفة ان دى مشكلة فى أنا
علشان هو ياخد باله و مايزودهاش ..و لو بيحبها فعلا هيحاول يقلل من خروجاته علشان خاطرها ..و يقول لها انا مقدر انك بتضايقى علشان كدة مش عايز اخرج النهاردة
و هى كمان ما تعكننش عليه كل ما يخرج مع اصحابه ..و تحاول تتكلم بمنتهى الهدوء
مشاعرنا صعب أوى نتحكم فيها ..لانها بتحصل بشكل لا ارادى
لكن تصرفاتنا لازم نسيطر عليها بالعقل ...
دا لو عايزين نبقى عقلاء
ليست هناك تعليقات:
إرسال تعليق