الحمد لله اشترينا شقة جديدة
- طب خلى بالك احسن النصب دلوقت بأة منتشر و يكونوا ضحكوا عليكم دا ابن عمى اشترى لسة شقة بنص مليون جنيه و طلعت شركة نصابة
و ابن خالى كان شارى شقة من واحد و طلع بايعها لثلاث انفار
و جارى ....و ابن خالتى .....و بنت عم ابن خال جوز اختى ...
- مش جوزى جاب عربية جديدة !!!
-يا اختىىىىىىىى ..دلوقت هتتسرق و تتخبط و قطع الغيار بقت غالية
دا سلفى لسة شارى عربية دخلت فى عربية نقل و صرف عليها دم قلبه
- قولليلى مبروك ابنى جاب 97%
- يا اختى يعنى الى دخلوا طب و هندسة ماهم متقلحين على الارصفة
دنا ابن عمتى جاب السنة الى فاتت 95 ادبى و مالحقش اعلام
الشخصيات دى شخصيات كئيبة ممكن تسمم حياتك و تقتل فرحتك
دا غير انها بتسمم حياتها هى شخصيا و مش بتعرف تفرح ابدا بحاجة حلوة فى حياتها لانها دايما نظرتها متشائمة و شايفة دايما الأخطار و المصايب و التحديات و الجانب المظلم فى اى جديد
دى شخصيات معندهاش ثقة فى نفسها و فى ان حياتها ممكن تكون جميلة
و سبحان الله بتلاقي فعلا حياتها مليانة بالابتلاءات و المصايب
لان ( أنا عند ظن عبدى بى ) ..فظنها دايما بربنا انه هينزل عليهم مصيبة
و الفكرة لما بتكون مسيطرة على المخ بيبقى ليها طاقة جذب قوية للمصيبة المتوقعة ..و دا ملحوظ و مشاهد
لو انت من النوعية دى ...حاول تسيطر على افكارك
حاول تعلم نفسك حسن الظن بالله عز وجل لان الله يريد لنا الخير و اليسر و السعادة
حاول تتعلم التفاؤل و بلاش دايما تتوقع المصايب و الكوارث
خلى عندك ثقة فى نفسك نابعة من ثقتك فى ربنا و انه بيحبك و يريد لك الخير ..
نابعة من قدرتك على ادارة حياتك كما تريد لا كما تحركها الظروف
نابعة من ثقتك فى الناس فالناس فيهم الخير مهما تعالى صوت الشر و الفساد
نابعة من تصديقك لقول ربنا جل و علا عن الحياة الدنيا أنها زينة و متاع
ولم يحرم علينا الاستمتاع بها بل حذرنا من أن تلهينا عن الاستعداد للآخرة
(قُلْ مَنْ حَرَّمَ زِينَةَ اللَّهِ الَّتِي أَخْرَجَ لِعِبَادِهِ وَالطَّيِّبَاتِ مِنَ الرِّزْقِ ۚ قُلْ هِيَ لِلَّذِينَ آمَنُوا فِي الْحَيَاةِ الدُّنْيَا خَالِصَةً يَوْمَ الْقِيَامَةِ)
فالدنيا فى أصلها حلوة خضرة و لكننا من يفسدها و يعكر صفوها بأفكارنا و سوء ظننا ثم سوء أفعالنا
- طب خلى بالك احسن النصب دلوقت بأة منتشر و يكونوا ضحكوا عليكم دا ابن عمى اشترى لسة شقة بنص مليون جنيه و طلعت شركة نصابة
و ابن خالى كان شارى شقة من واحد و طلع بايعها لثلاث انفار
و جارى ....و ابن خالتى .....و بنت عم ابن خال جوز اختى ...
- مش جوزى جاب عربية جديدة !!!
-يا اختىىىىىىىى ..دلوقت هتتسرق و تتخبط و قطع الغيار بقت غالية
دا سلفى لسة شارى عربية دخلت فى عربية نقل و صرف عليها دم قلبه
- قولليلى مبروك ابنى جاب 97%
- يا اختى يعنى الى دخلوا طب و هندسة ماهم متقلحين على الارصفة
دنا ابن عمتى جاب السنة الى فاتت 95 ادبى و مالحقش اعلام
الشخصيات دى شخصيات كئيبة ممكن تسمم حياتك و تقتل فرحتك
دا غير انها بتسمم حياتها هى شخصيا و مش بتعرف تفرح ابدا بحاجة حلوة فى حياتها لانها دايما نظرتها متشائمة و شايفة دايما الأخطار و المصايب و التحديات و الجانب المظلم فى اى جديد
دى شخصيات معندهاش ثقة فى نفسها و فى ان حياتها ممكن تكون جميلة
و سبحان الله بتلاقي فعلا حياتها مليانة بالابتلاءات و المصايب
لان ( أنا عند ظن عبدى بى ) ..فظنها دايما بربنا انه هينزل عليهم مصيبة
و الفكرة لما بتكون مسيطرة على المخ بيبقى ليها طاقة جذب قوية للمصيبة المتوقعة ..و دا ملحوظ و مشاهد
لو انت من النوعية دى ...حاول تسيطر على افكارك
حاول تعلم نفسك حسن الظن بالله عز وجل لان الله يريد لنا الخير و اليسر و السعادة
حاول تتعلم التفاؤل و بلاش دايما تتوقع المصايب و الكوارث
خلى عندك ثقة فى نفسك نابعة من ثقتك فى ربنا و انه بيحبك و يريد لك الخير ..
نابعة من قدرتك على ادارة حياتك كما تريد لا كما تحركها الظروف
نابعة من ثقتك فى الناس فالناس فيهم الخير مهما تعالى صوت الشر و الفساد
نابعة من تصديقك لقول ربنا جل و علا عن الحياة الدنيا أنها زينة و متاع
ولم يحرم علينا الاستمتاع بها بل حذرنا من أن تلهينا عن الاستعداد للآخرة
(قُلْ مَنْ حَرَّمَ زِينَةَ اللَّهِ الَّتِي أَخْرَجَ لِعِبَادِهِ وَالطَّيِّبَاتِ مِنَ الرِّزْقِ ۚ قُلْ هِيَ لِلَّذِينَ آمَنُوا فِي الْحَيَاةِ الدُّنْيَا خَالِصَةً يَوْمَ الْقِيَامَةِ)
فالدنيا فى أصلها حلوة خضرة و لكننا من يفسدها و يعكر صفوها بأفكارنا و سوء ظننا ثم سوء أفعالنا
ليست هناك تعليقات:
إرسال تعليق