لاتعط وعدا و تخلفه

فيه ناس مش بيقدروا أبداََ قيمة الكلمة الى بيقولوها و الوعد الى بيوعدوه للآخرين و ازاى ممكن انسان تانى يبنى توقعات و احلام و يرسم مستقبل بناء على الكلمة دى الاسراف فى اعطاء وعود ...و عدم قدرتك على تنفيذها بيخليك تفقد ثقتك فى نفسك مع الوقت لانك بتحس بالعجز عن الوفاء بما وعدت و مش كدة بس دا انت بتفقد ثقة الناس الى حواليك من كتر ما بتوعد و تخلف معدش حد بيثق فيك و لا فى كلامك أصلا و الاحساس دا بيوصلك اكيد و بيضايقك و يخلي نظرتك لنفسك بتنهار الراجل مع زوجته الام مع اولادها الصديق مع صديقه القريب مع قريبه المدير مع الموظفين الناس بتستهين بقيمه الوعد الى بيقطعوه لبعض و فيه ناس بتوعد أصلا فض مجالس و هو عارف و مدرك انه مش هيعمله ..كلام فى الهوا و فيه ناس بتعد ترسم احلام و رؤى مستقبلية تخص الآخرين و هى مجرد افكار بصوت عالى بعيدة عن الواقع الاطفال الصغيرين لما ييجوا يستأذنوا والديهم فى حاجة و يقولولهم ان شاء الله هربا من اتخاذ القرار أو الجدال ..الاطفل بيتعقدوا مع الوقت من الكلمة دى ..بدل ماتقول ان شاء الله قل ماشى موافق ...او غير موافق ..او سيبنى افكر و هقولك رأيى بعدين الشباب المخطوبين الى بيعدوا يرسموا احلام و خيالات لمستقبلهم الزوجى ....الطرف التانى بيعتبر دى وعود بيبنى عليها توقعات كتيرة و اول ما بيواجهوا الواقع توقعاتهم بتنهار و بتكون مشكلة ماتعدش ترسم احلام انت مش أدها ..حدد قدراتك تماما و احلم بما يتناسب معاها و بلاش تعيش و تعيش الطرف التانى فى الوهم الاصدقاء الى بيوعدوا بعض انهم دايما هيكونوا موجودين جنبهم فى اى وقت و اول ما تحصل مشكلة يتهربوا او يتنصلوا او يطنشوا المدير الى بيوعد موظفيه بزيادة الرواتب و تمر الشهور و السنين و مفيش زيادات لايدرك قدر خيبة الامل الى حصلت عند الموظفين للاسف فقدنا احساسنا بقيمة الكلمة الى بتطلع مننا ... و الناس فقدت الثقة فى بعض بسبب التهاون فى هذا الامر و بالتدريج فقد كل واحد فينا احترامه لنفسه و احترامه لوعود الآخرين