لما بتحس بالحب بتركز على العطاء لمن تحب بتكون عايز تديله عينيك و تستمتع بهذا العطاء
الاحتياج بيبقى كل تركيزك على ازاى يشبع احتياجاتى و ازاى اخليه يلبى طلباتى
مع الحب بتحس انك سعيد و مبسوط طول الوقت حتى لو حبيبك مش معاك
مع الاحتياج بتحس انك متوتر و قلقان طول الوقت و خاصة لما يكون حبيبك مش معاك
مع الحب انت واثق فى حب التانى ليك و سايب له حرية الحركة فى حياته
مع الاحتياج انت مش واثق فى حب التانى ليك ..
و بالتالى دايما خايف يروح منك و مش حاسس بالامان ..
دايما حاسس بالغيرة من أى حاجة تشغله عنك ..
دايما عايز تعرف تفاصيل راح فين و جه منين ...
و ممكن تكون عايز تسيطر عليه و تتحكم فيه .
مع الحب بتحس انك قوى و قادر تحقق المعجزات ..الحب بيديك طاقة و حافز و أمل و تفاؤل
مع الاحتياج بتحس انك منهك و دايما تعبان و قرفان و مش مرتاح
مع الحب بتحس فعلا ان الى بتحبه هو الانسان المناسب تماما ليك
مع الاحتياج بتبقى مقتنع بعقلك ان الانسان دا مش مناسب نهائى بس مش قادر تسيبه
مع الحب انت بتكون على طبيعتك جدا
لكن مع الاحتياج انت بتحاول ترضى الى انت بتحبه بأى طريقة حتى لو خلاف قناعاتك و أفكارك و بتحاول تكون الشخصية الى هو عايزها علشان خايف يسيبك
ليست هناك تعليقات:
إرسال تعليق