لما الزوجة تحس انها تعبانة غالبا الزوج بيحس انها بتتدلع و الموضوع مايستاهلش
و يقولها بمنتهى المرح و الاريحية :
ياشيخة ماانت زى الفل اهو ..قومى بأة اعمليلنا العشا ؟؟؟؟
طبعا الكلام دا بيحسسها انه مش حاسس بيها و انه عايش فى كوكب تانى وانه انانى
ساعات الزوجة بتحس باعراض جسدية نتيجة حرمان عاطفى بالفعل
يعنى فعلا بتحس انها تعبانة و مرهقة و عايزة تحس بحنية جوزها و اهتمامه و حبه ليها
طب ليه ما يديهاش الى هى عايزاه سواء تعبانة بجد و الا بتدلع
فيها ايه لما يدلعها شوية انشاله مرة فى الشهر
دا الراجل لو صباعه اتشك بدبوس بينام فى السرير و بنستحمل برده دلعه و بندلعه
قل لها سلامتك يا حبيبتى انشاله انا الف سلامة عليكى
عايزة اجيب لك اكل و انا جاى ايه النهاردة
ما تطبخيش حاجة و لا تعملى حاجة و ارتاحى بس النهاردة
قومى ريحى لو حاسة بارهاق و انا هقعد بالاولاد
دلعها يا اخى
دلعك ليها يوم هيخليها تجرى زى الحصان شهرين تلاتة ...طب جرب بس
ليست هناك تعليقات:
إرسال تعليق