لايحبنى حب عاطفى

قالت : زوجى زوج رائع يهتم بى
يشاركنى مسئولية البيت و الاولاد
و لا يبخل على بالهدايا و اللمسات الطيبة فى المناسبات المختلفة
و لكنه يؤدى المطلوب منه مجرد اداء
أنا لا اشعر بحبه
انا حاسة انه بيعمل كدة احساسا بالمسئولية و اتقاء لربنا فى ..
لكنى لا اشعر ابدا بالحب فى قلبه الى كان هيبان فى نظراته و احساسه و كلماته

حبيبتى :

فيه نوعية من الناس من الرجال و النساء نوعية عملية منطقية بتحب بعقلها
يعنى بتحب بشكل عملى
هى ماتعرفش اصلا تحب الحب بتاع القلوب دا
و ممكن تستغرب لما تشوف الافلام و الدراما الرومانسية و الادب و تتريق عليها
و ممكن تسخر من اى حد بيحب و دايب فى الحب و تستغرب جدا الناس دى عاملة فى نفسها كدة ليه
او تستغرب اوى من الناس الى بتعانى من الم الفراق والبعد و تحس ان دا افورة

اساسا بتكون مشاعرهم متبلدة و عمرهم ماحبوا حتى اباءهم و ابناءهم
مشاعر الحب دى مايعرفوهاش
او عقلهم و تفكيرهم المنطقى يغلب على قلوبهم
ممكن يكونوا مجربوش يعنى ايه حب قبل كدة و ساعات بيشيبوا و بيموتوا و هم ماجربوش يعنى ايه حب

الناس دى مش وحشين ...هم ربنا خلقهم كدة
بالعكس دول بيبقوا ناجحين جدا فى حياتهم و بيبقوا متميزين جدا فى حل المشكلات و اتخاذ القرارات و الابداع و التفكير العملى و النقدى و الاعمال العقلية الفكرية

حبيبتى :
احمدى ربنا انه قايم بمسئولياته
وهو بيعمل كدة علشان يرضيك و يسعدك
ودا اقصى حاجة ممكن يعملها فلا تكلفيه فوق طاقته و تطالبيه بالحب الى طالع من القلب
و ما يتبعه من نظرات و همسات و حركات وكلمات لانه مش هيقدر على كدة

جوزك بيحبك بس بطريقته التى تتناسب مع طبيعة شخصيته
حاولى تقدرى و تتكيفى و تعطيه الحب الرومانسى الى انت بتحسى بيه علشان نفسك انت ..علشان ماتفقديش احساسك و مشاعرك مع الوقت
و يمكن مع الوقت تصحى مشاعره و يحب من قلبه....يمكن