قالت : ماهو مش كل حاجة هو بيعملها لازم انا اعملها
المذاكرة ...التمارين ..التحفيظ ..مرواح الحضانة
هكون قدوة ازاى فى الحاجات دى ؟
الطفل فى سن قبل المدرسة محتاج القدوة ...بيبقى سهل عليه اوى يعمل الحاجات دى طالما شايف الكبار بيعملوها
الطفل الى مامته بتشتغل غالبا بيروح الحضانة بشكل اسهل بكتير لانه عارف ان ماما وراها شغل و بابا بيروح الشغل و اخواته الكبار بيروحوا المدرسة فبيتبرمج على ان دى مهمة اى فرد
لكن شايفك كسولة و بتوديه الحضانة و تخشى تنامى بيقول لنفسه طب الست دى بتعذبنى ليه ما تسيبنى انام انا كمان معاها
فهميه ان كل واحد فى الدنيا ليه شغله و انت بتروح الحضانة و انا شغلى فى البيت بنضف و ارتب و اطبخ و ما تحسسيهوش انك بتخشى تنامى بعد ما يمشى راعى مشاعره
التدريب بيبقى اسهل لما تروحى انت كمان التدريب
بدل ماتعدى ادامه ساعة و الا ساعتين قوليله انا كمان ورايا تدريب ..
و روحى جيم او روحى اتمشى او روحى ايروبكس او حتى رقص ...فيها ايه يعنى لما تعودى نفسك على تدريب و ممارسة رياضة علشان خاطر نفسك اولا و بعدين علشان تبقى قدوة لاولادك
المذاكرة
ايوة لازم تذاكرى جنبه
فيها ايه لما تتعودى تمسكى كتاب جنبه و هو بيذاكر و تقرى و تتثقفى و يفهم اهمية الكتب و القراية فى حياتك و بالتالى فى حياته بعد كدة ..و لما يشوفك ماسكة كتاب هيفهم ان الكتب دى حاجة مهمة
التحفيظ
نفس الحكاية
احفظى معاه قرآن
ليه المفروض نعذب ولادنا بالنشاطات دى مع اننا اصلا مش بنحبها
لو انت حبيتى الحاجات دى ابنك هيحبها و هيبقى اسهل عليه بكتيييير الالتزام بيها
ليست هناك تعليقات:
إرسال تعليق