هو الستات هيتجننوا من قليل
بيقولى انه بيغمض عينه ساعة العلاقة الحميمية علشان يتخيل
بيقولى انه بيحب نخرج مع صاحبه فلان علشان بيحب قاعدة مراته
بيقولى بيحبنى أحط البرفان الفلانى علشان دا كان البرفان بتاع حبيبته الاولانية
عايزنى اقص شعرى نفس التسريحة بتاعت المغنية الى بيعشقها
بيحب ياكل البامية من ايدى علشان بتفكره ببامية أمه
و هو اسم الله عليه و على ذكاؤه بيقولك الكلام دا ؟
للاسف فيه رجالة كدة فاكر مراته واحد صاحبه الى بيحكيله و يفضفض معاه بكل مشاعره و بينيل الدنيا
و بعدين يستغرب هى نكدية ليه ؟
و فيه رجالة بتنبسط لما تحس ان مراتها غيرانه معرفش ليه ؟
يا ابنى افهم
مشاعرك و افكارك تجاه اى ست تانية حتى لو امك من فضلك احتفظ بيها لنفسك علشان تعيش سعيد
و يا بنتى ماتاخديش على كلامه و ماتحاسبيهوش على افكاره و مشاعره
المهم بيتعامل معاك انت ازاى ؟
كلنا
ستات و رجالة
ممكن نعجب بحد
ممكن نتخيل ان حد بيحبنا
ممكن نحلم بحد
ممكن نحب ريحة حد
ممكن نشتاق لحد
الحاجات دى بتحصل لا محالة و خاصة الستات الى بتشتغل و الا بتدرس و مختلطة بالرجال
بس المهم اننا لا ننساق ليها و لا نصرح بيها لحد
و الرجالة ربنا يكرمكم امسكوا لسانكم اللعين دا شوية
صدقت يا رسول الله
و هل يكب الناس على وجوههم فى النار الا حصائد ألسنتهم ؟
و نار الدنيا و الله قبل نار الاخرة
ليست هناك تعليقات:
إرسال تعليق