سألت : الانسان الطيب الحنون الذوق الخلوق برة البيت و جوة البيت بيبقى شخصية تانية خالص دا مشكلته ايه ؟
فيه عدة احتمالات
ممكن يكون شخصية حساسة اوى و بيحاول يستحمل و ييجى على نفسه ادام الناس و دا بيعمل عليه ضغط كبير
فبييجى البيت بيطلع غلبه فى أهل بيته كنوع من التنفيس
و فيه واحد بيبقى اصلا متضايق من طيبته و تلبية طلبات الاخرين و خاصة اهله مثلا و بيبقى عنده احساس بالضعف فبيحاول يستقوى على اهل بيته علشان يثبت لنفسه انه مش ضعيف
و فيه واحد بيبقى مضغوط و يدخل البيت يحكى لمراته تعد تأنب فيه و تلومه و تحسسه بضعفه زياده و باستكراد الاخرين ليه فينفر منها و يحس انه مش طايقها لانها مش قادرة تحتويه
الاسباب كتيرة
بس انا اعتقد ان الطيب دا بيثور مرة واحدة و يهدأ علطول و دى ميزة
الانسان دا محتاج ترفيه عن نفسه كتير
محتاج يسترخى كتير
محتاج انه ينفس فى رياضة او هواية بدل ما ينفس فى اهل بيته الى ملهمش ذنب
ليست هناك تعليقات:
إرسال تعليق