للاسف احنا فاهمين الصيام غلط ..و بدل ما أفكر كيف أقهر هذه الشهوة ...بنفكر طول النهار هناكل ايه النهاردة بعد المغرب
اشى عصاير
و اشى حلويات
و اشى لحوم
و اشى خضروات و فواكه
دا مش اسمه قهر للشهوة ...دا كبت للشهوة لحد ما تنفجر بعد الافطار
الى عايز يعمل رجيم و يقلل وزنه ..رمضان فرصة ليك انك تحاول تقهر هذه الشهوة القوية الى مش قادر تقهرها فى الايام العادية
بس المهم يستمر سيطرتك عليها بعد الافطار ايضا ...مش تطلع من رمضان وزنك زايد خمسة ستة كيلو
الصيام فرصة للتدريب على الجوع ...لتدريب المخ على عدم التفكير فى الأكل
تدريب المشاعر على عدم الخلط بين الجوع و الزهق ....أو الجوع و الزعل ...لان ناس كتير كل ما تزهق تاكل ..او كل ما تزعل تاكل ...او كل ما تتبسط تاكل
تدريب الجسد على تحمل الجوع فترات طويلة
تدريب لطريقتك فى الأكل ...بان تبدأ بالمهم المغذى ...و تسيب الى مش مهم فى الآخر
الصيام فرصة لتدريب نفسك على سلوكيات الأكل الايجابية ...مش العكس
فان جسدك نعمة من المولى عز وجل ...حافظ عليها ...فانها سبب رئيسى من اسباب السعادة
ليست هناك تعليقات:
إرسال تعليق