الامر بالمعروف و النهى عن المنكر من قواعد العمل الاسلامى
و لكنه يقتضى الحكمة (أدع الى سبيل ربك بالحكمة و الموعظة الحسنة )
و الحكمة هى وضع الشىء فى موضعه ..و اختيار الوسيلة المناسبة لتحقيق الهدف
و رسول الله صلى الله عليه و سلم أعطى لنا بدائل متعددة لتغيير المنكر : الدعوة باليد و باللسان و بالقلب
علشان نختار الاسلوب المناسب فى الوقت المناسب و للشخص المناسب و الهدف يكون واضح فى النهاية ان تاتى النصيحة بنتيجة ايجابية
و هذا ما يفقتده الكثيرون
هل الهدف انى أقول كلمتى و خلاص و اؤدى الواجب الى على أدام ربنا باى طريقة و أى أسلوب ..و الا الهدف ان ينتهى المنكر ؟
فيه واحد ممكن يتقبل النهى عن المنكر ( باليد ) زى مثلا معاقبة ابنى على خطأ متكرر ارتكبه بحرمانه من حاجة بيحبها
واحد تانى يتقبل منى النهى باللسان زى اصدقائى و اهلى و احبابى
وواحد يكفينى فيه القلب لانى لا اعرفه مثلا ..أو انه بعيد عنى ..أو ان النهى المباشر و المستمر هيخليه يعند اكتر و بيجيب نتيجة عكسية
و التوقيت مهم ايضا نفرض واحد من اعز احبابى ...ارتكب خطأ جسيم ...و هو تعبان جدا ..ممكن فى وقت ما ماينفعش اقوله انت غلطان ساعتها ممكن لما يهدأ اقول له انت غلطان
هى دى الحكمة فى اختيار الاسلوب المناسب و الوقت المناسب لتحقيق النتيجة
اما الموعظة الحسنة فبالاسلوب الجميل الذى يأتى بنتيجة .... الذى يصلح و لا ينفر
الذى يعلم و لا يأمر
الذى يرحم و لا يتكبر ...
خلى كلامك بذوق و ادب وتواضع .... خليه فى السر بينك و بينه
و اجعل الهدف هو صالح الآخر مش مجرد انى اقول كلمتى و السلام
فعلا افتقدنا هذا الادب الرفيع
ليست هناك تعليقات:
إرسال تعليق