مفهوم النجاح عند الآباء

النجاح ليس درجات و مجموع و تقدير و شهادات

ياما فيه دكاترة و مهندسين فاشلين

و ياما شفنا ناس مش متعلمين أصلا وبقوا رجال أعمال و علماء و مفكرين و مصلحين أضافوا للبشرية الكثير و الكثير

النجاح ليس الدرجات و المجموع
النجاح قدرة ابنك على انه يحط هدف و يسعى اليه بنفسه و بجهده و يتحمل المسئولية و يكون أدها

النجاح مش انه يدخل طب او هندسة

ممكن خريج هندسة قاعد على الرصيف لانه مستنى الوظيفة التى تتناسب مع شهادته العليا ولسة بياخد مصروفه من أمه

و خريج تعليم فنى رفض ان يعتمد على أحد و بنى نفسه بنفسه وفاتح ورشة ناجحة و دخله المادى يؤهله إنه يفتح بيت لأنه يقدر قيمة العمل و الاجتهاد

النجاح مش بقيمه شهاداته ...النجاح بقيمه مايقدمه لنفسه ولمجتمعه

ممكن طبيب فى تخصص نادر و حاصل على أعلى الشهادات بس بيستغل ضعف الناس و احتياجهم ليه اسوأ استغلال والعيادة بتاعته بتنش
وواحد تانى فى تخصص عادى و لم يحصل على شهادات فظيعه لكنه طبيب انسان و عيادته لا تراها فارغة ابدا

النجاح الحقيقى لأولادك هو فى قدرتك على بناء الانسان الناجح داخلهم
و ليس فى تحصيل الشهادات أو المال أو الشهرة

 لو قدرت تبنى هذا الانسان ....هينجح انشاله لو جاب 50%

1,308 people reached