قالت : زوجى يعانى من العجز الجنسى و هو مدمن شات اباحى مع النساء و يمارس العادة السرية ولا يقربنى الا نادرا ...والمرات المعدودة الى بيحصل بيننا فيها جماع بتكون ممارسته مقززة ...اكرهها و اصرخ و ابكى بعدها
لدرجة أنى لجأت الى الافلام الاباحية و ادمنت العادة السرية انا كمان
اصبحت اكرهه و اكره نفسى و حياتى
كان الله فى عونك ...انا مقدرة مشاعرك ..بس للاسف مشكلتك دى من المشاكل الى اعيت الاطباء عن حلها ..ادمان الرجل للنساء زيه زى ادمان المخدرات و الكحوليات ...صعب جدا انه يمتنع عنها الا بارادته هو
هو عنده عجز جنسى ..و مش بيحس بكدة الا لما بينام معاك
و دا بيسبب له ألم و احساس بالنقص رهيب .
و خاصة الرجل العربى بيحس دايما ان رجولته فى اعضائه التناسلية
فبيهرب من العلاقة معاك الى بتحسسه بالعجز دا
و يلجأ الى العالم الافتراضى و الشات الى بالكلام بس ...بيفرغ فيه كل طاقته الجنسية ...و يبين ادامهم انه الراجل الى محصلش و لا هيحصل ..و يرسم لنفسه صورة هو مش عارف يكونها على ارض الواقع
دا للاسف انسان مريض ...لازم هو الى ينوى يعالج نفسه ..انت مش هتقدرى تعملى حاجة
بس انت كمان مش عايزاك تنتقديه كدة و تقعى فى نفس الحفرة ..
افلام اباحية و عادة سرية ..و بدل ما يبقى واحد فيكم المريض هتبقوا انتوا الاتنين
فطبعا اتنين مرضى كل واحد فيكم منتظر العلاج من التانى .....و العلاج من جوة نفسه هو
حاولى تجهزى نفسك للطلاق
اتكلمى مع اهلك انك عايزة تتطلقى ..
انزلى اشتغلى و خططى للطلاق بعد سنة سنتين ....
لحد ما تقفى على رجليكى و تقدرى تطلبيه بدون قلق من المستقبل
يا اما تحاولى تتأقلمى مع الوضع دا بانك تشغلى وقتك تماما بهواية او دراسة او شغل أورياضة .... اى حاجة بتحبيها تملا حياتك ...
بحيث ما يبقاش كل تفكيرك فى الموضوع دا و يسيطر على حياتك وتسقطى انت كمان
ليست هناك تعليقات:
إرسال تعليق