يا اخى الكريم :
للاسف بعض الرجال لازال بيتعامل مع زوجته على انها الخدامة الفلبينية او الافريقية الى مالهاش مشاعر .
.هى لا بتحب الى هى بتشتغل عندهم ولا بتكرههم ...هى بس بتنفذ الاوامر مقابل الاجرة
و طالما مراته بتاخد حقوقها الشرعية منه مقابل خدمته ..يبقى هى زعلانة ليه ؟
و بيروح يحب و يعرف بنات و ممكن يتجوز ..و يستغرب جدا هى ليه عاملة كدة
المرأة عزيزى من ناحية المشاعر انسان ..زيها زيك بالظبط
و مشاعرها زى مشاعرك بالظبط لا ارادية
انت لو ماشى فى الشارع ولقيت مراتك واقفة مع واحد متعرفوش بيهزروا مع بعض ...هتحس بايه بالظبط ؟ اوصفلى مشاعرك ساعتها
ليه بأة بتستكتر مشاعرها لما نفس الموقف يتكرر معاك
لو اكتشفت شات على الفيس زوجتك مع واحد غريب بتهزر معاه
ليه بأة بتستنكر لما هى تتعصب و تتشنج و تعيط لما تلاقيك بتهزر هزار قبيح اباحى مع واحدة على الفيس
تخيل بأة حضرتك لو انت عرفت انها بتحب واحد تانى و متفقة معاه على الجواز بعد ما تطلق منك .
هى دى مشاعرها بالظبط لما تلاقيك متفق مع واحدة على الجواز
انا مش هكلمك عن العقل و المنطق ..و لا عن الشرع و الدين ...انا بتكلم على مستوى المشاعر فقط دلوقت
يا سيدى الفاضل :
المرأة انسان زيها زيك بالظبط و الله
مشاعرها لا ارادية زيها زيك بالظبط و الله
بتحس بالغيرة و الألم و الغضب زيها زيك و الله
بل بالعكس انفعالاتها اقوى بكتير لانها امرأة . حس بيها يا اخى
ليست هناك تعليقات:
إرسال تعليق