- جوزى عنيد و عصبى ...و يتجاهلنى تماما ....و اولادى طالعين زيه... و حياتى كئيبة ...أدور على السعادة ازاى ؟
- أنا أعرف انك خريجة فنون جميلة
- أيوة انا بحب الرسم من صغرى ...بس جوزى دايما يتريق على و يقولى ايه الهبل دا ...هاتيلك عيل تربيه أفيد .
- بتحسى بسعادة و انت بترسمى
- جدا ..انا ممكن انسى نفسى و اعد ارسم طول الليل و ماحسش بالوقت
- يبقى هى دى سعادتك ...
قررى انك تعملى معرض ...
عبرى عن معاناتك بالرسم ...عبرى عن احلامك ..عبرى عن الجميل الى انت كان نفسك فيه ....هتطلعى ابداعات رائعة
و سيبك من جوزك دا راجل تاجر كل همه فى الفلوس ....هيفهم ايه فى الفن و الجمال ..سيبك منه و لا توريله اصلا اى حاجة من رسوماتك ...
ارسمى علشان سعادتك انت
و بعد سنوات قابلتها فى معرضها الأول ..كانت فى منتهى السعادة
حضنتنى و شكرتنى ...وقالت :
صحيح مفيش حاجة اتغيرت فى حياتى الاسرية
بس أنا اخيرا لقيت طريقى للسعادة
ساعات كتير بنبقى فاكرين ان سعادتنا ورا الباب الفلانى و نضيع حياتنا كلها فى محاولة فتحه
و يمر العمر و لا نشعر بالسعادة
بس لو احنا دورنا هنلاقى أبواب تانية كتير ...المهم ندور
ليست هناك تعليقات:
إرسال تعليق