بابا والا ماما

لما ماما تقول (لأ ) ....فيجرى الطفل على بابا - الى عايز يكسب حب ابنه- فيقوله ماشى يا حبيبى اعمل كذا

ولما بابا يقول (لأ ) ...فيجرى الطفل على ماما - الى هو صعبان عليها و قلبها بيتقطع عليه - فتقول له : طيب اعمل بس من غير ما نقول لبابا

انتوا كدة بتهدموا عند الطفل حاجات كتيرة اوى اوى

أولا : بتهدموا أهمية القواعد و ان مفيش قواعد بتحكم البيت دا 

هى أهواء بابا و ماما و مزاجهم 

و (لأ ) بتتقال علشان انا مليش مزاج مش علشان التصرف دا غلط لان لو غلط كان الاتنين اتفقوا عليه 

و (ماشى  ) بتتقال علشان انا لى مزاج مش علشان التصرف صح

ثانيا : أى قواعد بتتحط يبقى سهل تتكسر
بأنى أدور على حد تانى يكسرها
او أكسرها بنفسى بالعند و الاصرار او البلطجة بالبكاء و التكسير و خلافه

فيبقى مصيرنا اننا عايشين من غير قواعد
فوضى و عشوائية حتى فى الاخلاق و القانون
فيتغرس فى عقل الطفل  ان الشاطر هو الى يتحايل على القانون بواسطة او رشوة أو البلطجة
المهم الا يلتزم بالقانون

ثالثا : فيه طرف طيب و فيه طرف شرير 

هو ممكن الطفل هيحب الطيب الى بيقول طيب علطول 

و هيكره الشرير الى بيقول لأ علطول 

بس مع الوقت هيفقد احترامه للاتنين ...

و اتحطت فى ذهنه ان تكسير القواعد ممكن يتعمل بعيدا عن مراقبة الشرير 

و بقبول الطيب الى هيدارى عليه

الموضوع دا لما بيتكرر و بيبقى عادة فى البيت 

الطفل بيفقد احترامه لابويه و لكلمتهم 

وبيفقد احترامه لاى قواعد بتتحط لانه فقد معرفته للصح و الغلط 

و بيسعى الى تكسير القواعد باى وسيلة فى العلن او فى الخفاء
و بتلاقيه لما يكبر فى المراهقة بيعمل بلاوى و عارف ان الطرف الطيب هيدارى عليه 

ثبات الابوين على الصح و الغلط ..يبنى عند الطفل معرفته بالصح و الغلط و احترامه ليهم و للقاعدة و المبدأ نفسه
بيربى عنده القواعد الاخلاقية و المعرفية و يعرف انها ثابتة طالما البوين و الاخوات و البيت كله ملتزمين بيها 

احترمى قرار الاب حتى لو شايفاه خاطىء 

احترم قرار الام حتى لو شايفه خاطىء

ولو الاب مش نافع معاه اتفاق ..او انه مش بيحترم قراراتك ...او انه محتاج يتعلم تربية هو أصلا ...

يبقى ماتاخديش قرار الا لما نسأل بابا ...
وقرار بابا يمشى علشان
لاتهدمى صورة بابا و صورتك عند الاولاد
و تربى ابنك على عدم احترام القواعد و القوانين